مچ حملہ: کسی تنصیبات کو نقصان نہیں پہنچا اور نہ جانی نقصان ہوا: جان اچکزئی

کوئٹہ: بلوچستان کے نگران صوبائی وزیر اطلاعات جان اچکزئی  کا کہنا ہے کہ مچ حملے میں کسی تنصیبات کو نقصان نہیں پہنچا۔ایک بیان میں نگران وزیر اطلاعات جان اچکزئی نے کہا کہ کالعدم تنظیم کے ایک گروپ  کی جانب سے مچ میں تین اطراف  سے حملہ کیا گیا  تاہم حملے کو فورسز نے کامیابی سے ناکام بنادیا ۔نگراں وزیر اطلاعات نے بتایا کہ حملے میں کسی تنصیبات کو نقصان نہیں پہنچا اور نہ جانی نقصان ہوا۔واضح رہے کہ بلوچستان کے ضلع بولان کے علاقے مچ میں سکیورٹی فورسز نے کالعدم بلوچ لبریشن آرمی (بی ایل اے)کے دہشتگردوں کے فائر ریڈ کی کوشش کو پسپا کر دیا تھا ۔ذرائع کے مطابق سکیورٹی فورسز کو پہلے سے دہشتگردوں کے حملے کی اطلاعات مل گئی تھیں۔