نیا عالمی بحران کا جنم اور امریکا

امریکی صدر ڈونلڈ ٹرمپ نے اتوار کے روز کہا کہ انہیں امید ہے کہ اسرائیل اور ایران ایک معاہدہ کر سکتے ہیں لیکن انہوں نے کہا کہ بعض اوقات ممالک کو پہلے اس کے لیے لڑنا پڑتا ہے۔ ٹرمپ نے کینیڈا میں جی سیون کے سربراہی اجلاس کے لیے روانہ ہوتے ہوئے صحافیوں سے بات چیت کرتے ہوئے کہا، مجھے امید ہے کہ ایک معاہدہ ہونے والا ہے۔ مجھے لگتا ہے کہ یہ ایک معاہدے کا وقت ہے اور ہم دیکھیں گے کہ کیا ہوتا ہے۔ ایران پر اسرائیلی حملوں نے نئے عالمی بحران جنم دیا ہے۔ ڈونلڈ ٹرمپ جہاں جنگ بندی معاہدوں اور اپنی کوششوں کو سراہتے ہیں وہیں اسرائیل نے ایران کی جوہری تنصیبات پر حملہ کرکے ان کوششوں اور خواہشوں کا خاک میں ملا دیا ہے۔اسرائیل نے یہ حملہ اس شک کی بنیاد پر کیا کہ ایران خفیہ طور پر جوہری ہتھیار تیار کررہا ہے۔جبکہ اس ضمن میں امریکہ ایران سے مزاکرات بھی کر رہا ہے تھا۔اسرائیلی حملے، امریکا اور ایران کے درمیان مذاکرات پر بھی اثرانداز ہوئے ،اب یہ واضح ہوگیا ہے کہ فوجی کارروائی کے پیچھے اسرائیل کا مقصد جوہری مذاکرات کو سبوتاژ کرنا تھا۔تاہم یہ گمان پایا جاتا ہے کہ ٹرمپ انتظامیہ کی رضامندی یا کم از کم خاموش حمایت کے بغیر اسرائیل کبھی بھی ایسا قدم نہیں اٹھا سکتا تھا۔اگر اسرائیل نے ایران پر امریکی رضامندی سے حملہ کیا ہے تو اس نے صدر ٹرمپ کے عالمی امن پسند کے تشخص کو ٹھیس پہنچائی ہے۔ یہ تشخص انہوں نے حال ہی میں روس-یوکرین اور پاک-بھارت کے مابین کشیدگی کو کم کرنے میں ثالث کا سہرا اپنے سر لے کر بنایا تھا۔دونوں ممالک کے ایک دوسرے پر حملے جاری ہیں جس سے بھاری نقصان ہو رہا ہے ۔ اسرائیل کی فوج نے اتوار کی رات کہا کہ تازہ ترین ایرانی میزائل حملوںسے متعدد مقامات کو نشانہ بنایا گیا، اس سے قبل،اسرائیل نے ایران بھر میں حملے کئے،جس میں مغرب سے تہران اور مشرق میں مشہد تک اہداف کو نشانہ بنایا گیا،ایرانی فوج نے کہا کہ جب تک ضروری ہو اس کا مشن جاری رہے گا۔کئی دہائیوں کی دشمنی اور پراکسیوں اور خفیہ کارروائیوں کے ذریعے لڑی جانے والی طویل جنگ کے بعد، تازہ ترین تنازعہ پہلی بار نشان زد ہوا ہے جس سے ایک طویل تنازعہ کا خدشہ پیدا ہو گیا ہے جو پورے مشرق وسطی کو لپیٹ میں لے سکتا ہے۔دونوں ممالک کے رہائشی علاقوں میں تین روز قبل لڑائی شروع ہونے کے بعد سے ہلاکت خیز حملے ہوئے ہیں۔نیتن یاہو نے ساحلی شہر بات یام میں میزائل حملے کی جگہ کے دورے کے دوران کہا کہ ایران شہریوں، خواتین اور بچوں کے پہلے سے سوچے سمجھے قتل کی بہت بھاری قیمت ادا کرے گا۔یہ ریمارکس اسرائیل کو نشانہ بنانے والے ایرانی میزائل حملے کے چند گھنٹے بعد سامنے آئے ہیں جس میں رات بھر کم از کم 10 افراد ہلاک ہوئے دریں اثنا، ایران کے سرکاری ٹیلی ویژن نے اتوار کے روز تہران کے مرکز میں ایک رہائشی عمارت کو نشانہ بنانے والے اسرائیلی حملے میں کم از کم پانچ افراد کی ہلاکت کی اطلاع دی۔مقامی میڈیا نے جمعہ اور ہفتہ کو ہونے والے اسرائیلی حملوں میں ہلاک ہونے والوں کی تعداد 128 بتائی ہے جن میں خواتین اور بچے بھی شامل ہیں اور 900 زخمی ہیں۔اتوار کے روز، اسرائیل کی فوج نے کہا کہ اس کی فضائیہ نے ایران کے مشرق بعید میں مشہد ہوائی اڈے کو نشانہ بنایا،جس سے یہ تنازع کا سب سے طویل رینج کا حملہ تھا،جس کا ہدف اسرائیل سے تقریبا 2,300 کلومیٹر دور تھا۔اسرائیلی طیاروں کے دو ایندھن ڈپووں کو نشانہ بنانے کے بعد تہران کے اوپر دھوئیں کا ایک بھاری بادل لٹک گیا۔ایرانی میڈیا نے تہران میں پولیس ہیڈ کوارٹر پر اسرائیلی حملے کی بھی اطلاع دی۔رات گئے ایران کے نائب وزیر خارجہ نے کہا کہ اسرائیل نے وزارت خارجہ کی ایک عمارت کو نشانہ بنایا جس سے کئی ملازمین زخمی ہوئے۔اسرائیلی فوج نے کہا کہ اس کی فضائیہ نے رات بھر دارالحکومت میں 80سے زیادہ اہداف کو نشانہ بنایا۔زیادہ تر کاروبار بند رہنے کی وجہ سے گیس اسٹیشنوں کے ارد گرد لمبی لائنیں لگ گئیں،جبکہ تہران کی ٹریفک پولیس کے سربراہ نے IRNA نیوز ایجنسی کو بتایا کہ دارالحکومت کے خارجی راستوں پر بھاری ٹریفک کی اطلاع ملی۔اسرائیلی پولیس کا کہنا ہے کہ اسرائیل کے بحیرہ روم کے ساحل پر تل ابیب کے قریب بات یام میں رات گئے میزائل حملے کے مقام پر چھ افراد ہلاک اور کم از کم 180 زخمی ہو گئے۔شمالی اسرائیل میں،امدادی کارکنوں اور طبی ماہرین نے بتایا کہ ہفتے کو دیر گئے ایک حملے نے تمرا قصبے میں ایک تین منزلہ عمارت کو تباہ کر دیا جس میں چار خواتین ہلاک ہو گئیں۔اتوار کے اوائل میں،سلسلہ وار دھماکوں نے تہران کو ہلا کر رکھ دیا۔اسرائیل نے کہا کہ اس کی افواج نے تہران میں وزارت دفاع کے ہیڈکوارٹر پر حملہ کیا ہے جہاں ایرانی خبر رساں ایجنسی تسنیم کو نقصان پہنچا ہے۔اسرائیلی فوج نے یہ بھی کہا کہ اس نے خفیہ تنظیم برائے دفاعی اختراعی اور تحقیق (SPND) پر حملہ کیا ہے۔ایرانی میڈیا نے بعد میں کہا کہ پولیس نے دو مشتبہ افراد کو اسرائیل کی جاسوسی ایجنسی موساد سے مبینہ تعلق کے الزام میں گرفتار کیا ہے۔اسرائیل نے بدلے میں کہا کہ اس نے دو افراد کو ایرانی انٹیلی جنس سے مبینہ روابط کے الزام میں حراست میں لے لیا ہے۔اتوار کے روز، اسرائیلی فوج نے ایرانیوں کو خبردار کیا کہ وہ ملک بھر میں ہتھیاروں کی تنصیبات کے قریب کے علاقوں کو خالی کر دیں۔ اس کے جواب میں،ایران کی فوج نے اسرائیل میں لوگوں کو خبردار کیا کہ وہ اسرائیل کے زیر قبضہ علاقوں کو چھوڑ دیں،جب کہ وہ سزا کے طور پر ایرانی حملے پورے اسرائیل کے زیر قبضہ علاقوں کو نشانہ بنا سکتے ہیں۔آنے والے دنوں میں آپ کے لیے انتباہ: مقبوضہ علاقوں کو چھوڑ دو،کیونکہ، یقینی طور پر، وہ مستقبل میں رہنے کے قابل نہیں ہوں گے!” ایرانی مسلح افواج کے ترجمان کرنل رضا صیاد نے کہا کہ اسرائیل کے خلاف ایرانی حملوں کی ایک نئی لہر شروع ہونے کے فورا بعد۔فوج نے اعلان کیا کہ اس نے جوابی کارروائی کے ایک حصے کے طور پر اسرائیل پر بیلسٹک میزائل حملوں کی ایک نئی لہر شروع کی ہے جسے ٹرو پرومیس 3 کا نام دیا گیا ہے۔میزائل بیراج کو اسرائیلی حکومت کی جانب سے ملک کے خلاف جارحیت کے تیسرے دن تہران کے مقامات پر حملے کے فورا بعد شروع کیا گیا تھا۔بڑے پیمانے پر یہ خدشہ پیدا ہو گیا تھا کہ تنازع خطے کے دیگر ممالک تک پھیل سکتا ہے۔ اسرائیل اور ایران کے درمیان بڑھتے ہوئے تنازعے کے شواہد کے باوجود،امریکی صدر ڈونلڈ ٹرمپ نے اتوار کو اس امید کا اظہار کیا کہ مشرق وسطی میں جلد امن قائم ہو جائے گا،انہوں نے گزشتہ ماہ پاک بھارت تنازع کے دوران ڈیل میکر کے طور پر اپنے ٹریک ریکارڈ کا حوالہ دیا۔ اب یہ تنازعہ علاقائی جغرافیائی سیاست تک محدود نہیں رہا۔معاشی زوال بڑے پیمانے پر پھیلتا ہے بڑھتی ہوئی ایندھن کی قیمتوں سے افراط زر کا دبا،شپنگ اور لاجسٹکس میں رکاوٹیں،اور صنعتی اور صارفین کے اعتماد میں کمی ۔یہاں تک کہ یو ایس فیڈرل ریزرو کو عالمی بدامنی کی وجہ سے مہنگائی کے نئے خطرے کے خلاف مانیٹری پالیسی کو متوازن کرنے کے چیلنج کا سامنا ہے۔ عالمی برادری کو ایک سخت انتخاب کا سامنا ہے،کیا وہ مفادات اور فوجی مہم جوئی کو معاشی استحکام کو نقصان پہنچانے کی اجازت دے گی ۔
اور پھرتیل کی قیمتیں بڑھ گئیں
حکومت نے یک لخت پیٹرول کی قیمت میں 4 روپے 80 پیسے فی لیٹر اور ہائی اسپیڈ ڈیزل کی قیمت میں 7 روپے 95 پیسے فی لیٹر کا اضافہ کر دیا ہے جس کے بعد یقینا مہنگائی کی نئی لہر اٹھے گی۔نئی قیمتوں کا اطلاق 16 جون سے 30 جون تک ہوگا جب کہ قیمتوں میں اضافے کے بعد پیٹرول کی فی لیٹر قیمت 258 روپے 45 پیسے ہوگئی ہے جب کہ ہائی اسپیڈ ڈیزل فی لیٹر 262 روپے 59 پیسے میں فروخت ہوگا۔ یہ بات تو واضح ہے کہ تیل کی قیمتوں اضافہ پاکستان کی مارکیٹ کو براہ راست متاثر کرتا ہے۔تازہ بجٹ میں لگنے والے ٹیکسوںاور تیل کی قیمتوں میں اضافہ مل کر عام آدمی کی زندگی کو اجیرن بنا دے گا۔بدقسمتی یہ ہے کہ حالیہ گزشتہ ہفتوں میں عالمی منڈی میں تیل کی قیمتیں بہت کم ہوئیں لیکن اس کا فائدہ عوام تک منتقل نہ کیا گیا مگر اب اس اضافے کے ساتھ جواز پیش کیا گیا کہ ایران اسرائیل جنگ کی وجہ سے عالمی منڈی میں تیل کی قیمت بڑھ جانے کی وجہ سے ایسا کرنا پڑا۔