پاکستان میں آزادی اظہار پر پابندیوں سے متعلق رپورٹ پر تشویش ہے ، امریکا

امریکا نے کہا ہے کہ پاکستان میں مستقبل کی قیادت کا فیصلہ پاکستانی عوام کا ہے، ہمیں صرف جمہوری عمل میں دلچسپی ہے۔پریس بریفنگ کے دوران گفتگو کرتے ہوئے امریکی محکمہ خارجہ کے نائب ترجمان نے کہا ہے کہ صحافی منصفانہ اور شفاف انتخابات کی کوریج میں اہم کردار ادا کرتے ہیں تاہم پاکستان میں اظہار رائے کی آزادی پر پابندیوں سے متعلق رپورٹ پر تشویش ہے۔امریکی محکمہ خارجہ کے نائب ترجمان ویدانت پٹیل نے مزید کہا ہے کہ خطے میں بڑھتی ہوئی کشیدگی پر بھی تشویش ہے، اس معاملے پر پاکستانی اپنے ہم منصبوں سے رابطے میں ہیں، تاہم پاکستان اپنے فوجی آپریشنز پر بہتر طور پر بات کر سکتا ہے۔