پیٹرولیم مصنوعات کی قیمتوں میں بڑی کمی کا امکان

اسلام آباد: وفاقی حکومت کی جانب سے یکم ستمبر 2024 سے آئندہ پندرہ روز کے لیے پیٹرولیم مصنوعات کی قیمتوں میں کمی کا اعلان کیے جانے کا امکان ہے۔ ذرائع کے مطابق پیٹرول کی قیمت میں 3 روپے 10 پیسے فی لیٹر اور ڈیزل کی قیمت میں 2.50 روپے فی لیٹر کمی متوقع ہے۔بزنس ریکارڈر کی رپورٹ کے مطابق بین الاقوامی پٹرولیم مصنوعات کی قیمتوں میں کمی کے باعث مقامی مارکیٹ میں کمی کی جاری ہے۔ حکومت فی الحال پیٹرولیم لیوی اور جنرل سیلز ٹیکس کی موجودہ شرحوں کو مدنظر رکھتے ہوئے درست اعداد و شمار کو حتمی شکل دے رہی ہے۔پیٹرول3 روپے 10 پیسے فی لیٹر کمی کے بعد 260.96 روپے سے کم ہو کر 257.86 روپے فی لیٹر ہوجائے گا۔ہائی اسپیڈ ڈیزل: ڈھائی روپے کمی کے بعد 266.07 روپے سے کم ہو کر 263.57 روپے فی لیٹر ہوجائے گا۔مٹی کا تیل: 1.39 روپے فی لیٹر 171.77 روپے سے کم ہوکر 170.38 روپے۔قیمتوں میں متوقع کمی تیل کی عالمی قیمتوں میں حالیہ کمی کا براہ راست نتیجہ ہے۔ گزشتہ دو ہفتوں کے دوران خام تیل کی قیمت تقریبا 2 ڈالر سے 2.30 ڈالر فی بیرل تک گر گئی ہے۔پیٹرول کی اوسط قیمت 82.50 ڈالر سے کم ہو کر 80.40 ڈالر فی بیرل ہوگئی ہے۔ پیٹرول پر پریمیم 8.47 ڈالر فی لیٹر اور ایچ ایس ڈی پر 5 ڈالر فی لیٹر ہے۔اگر منظوری دی جاتی ہے، تو قیمتوں میں یہ کٹوتی صارفین اور کاروباروں کو کچھ ریلیف فراہم کرے گی جو زندگی اور آپریٹنگ اخراجات کی بڑھتی ہوئی لاگت سے دوچار ہیں۔