چیئرمین پی ٹی آئی اٹک جیل منتقل ، سہولیات فراہم کردی گئیں

لاہور : توشہ خانہ کیس میں تین سال قید کی سزا سنائے جانے کے بعد پولیس نے چیئرمین تحریک انصاف کو زمان پارک سے گرفتار کرکے اٹک جیل منتقل کردیا ۔ ایس ایس پی آئی اے ملک لیاقت کی زیر سربراہی پولیس ٹیم نے عمران خان کو گرفتار کیا ان کی عمرا ن خان کیساتھ گاڑی میں بیٹھے تصویر بھی سانے آگئی چیئرمین پی ٹی آئی کو براستہ موٹر وے لاہور سے اسلام آباد سخت سکیورٹی میں منتقل کیاگیا۔سکیورٹی خدشات کے پیش نظر انہیں اٹک جیل منتقل کرکے ہائی سکیورٹی زون کے لاک اپ میں رکھا ۔ڈسٹرکٹ اینڈ سیشن کورٹ کے جج ہمایوں دلاور نے توشہ خانہ کارروائی کیس میں چیئرمین پی ٹی آئی کو تین سال قید اور ایک لاکھ روپے جرمانے کی سزا سنائی ہے ۔