بیرسٹر محمد علی سیف نے کہا ہے کہ چیف الیکشن کمشنر جعلی حکومت سے ہدایات لے رہے ہیں.اپنے ایک بیان میں بیرسٹر سیف نے کہا کہ موجودہ صورتحال کے سب سے بڑے ذمہ دار چیف الیکشن کمشنر ہیں، سپریم کورٹ نے واضح لکھا کہ مخصوص نشستیں پی ٹی آئی کو دیں۔بیرسٹر سیف نے کہا ہے کہ چیف الیکشن کمشنر کورٹ کے فیصلے پر عمل درآمد پر لیت و لعل سے کام لے رہے ہیں، چیف الیکشن کمشنر کو اپنے تمام غیر آئینی اقدامات کا جواب دینا ہوگا۔انہوں نے کہا کہ وقت پر انتخابات نہ کرانا ، بلے کا نشان چھیننا، لیول پلیئنگ فیلڈ، مخصوص نشستیں نہ دینا چیف الیکشن کمشنر کی کارستانیاں ہیں۔بیرسٹر سیف نے یہ کہا کہ چیف الیکشن کمشنر اور ساتھ دینے والوں کو استعفی دینا چاہیے، عسکری حکام کے ساتھ پی ٹی آئی کے مسائل کی وجہ ن لیگ اور پیپلز پارٹی ہے۔ انہوں نے یہ بھی کہا کہ یہ ہمیں برا ثابت کر کے خود اچھا بننا چاہتے ہیں، وفاقی حکومت ڈلیور نہیں کر پارہی اس لیے محاذ آرائی کر رہی ہے، سیاسی انتشار پیدا کر کے اپنی نااہلی چھپا رہے ہیں۔
پاکستان
چیف الیکشن کمشنر جعلی حکومت سے ہدایات لے رہے ہیں ، بیرسٹر سیف
- by Daily Pakistan
- جولائی 26, 2024
- 0 Comments
- Less than a minute
- 109 Views
- 1 مہینہ ago
![چیف الیکشن کمشنر جعلی حکومت سے ہدایات لے رہے ہیں ، بیرسٹر سیف](https://dailypakistan.pk/wp-content/uploads/2024/07/saif-1.jpg)