چین کا امریکی فضائی حادثے پر گہرے دکھ کا اِظہار

چین نے واشنگٹن میں ہونے والے فضائی حادثے پر گہرے دکھ اور تعزیت کا اِظہار کیا ہے۔ چینی وزارتِ خارجہ کے ترجمان کا کہنا ہے کہ متاثرہ خاندانوں سے دلی ہمدردی ہے۔ترجمان چینی وزارتِ خارجہ نے کہا ہے کہ امریکی حکام سے درخواست ہے کہ حادثے کی تحقیقات میں پیش رفت سے جلد آگاہ کریں۔چینی وزارتِ خارجہ کے ترجمان نے یہ بھی کہا ہے کہ امریکی حکام ریسکیو آپریشن تیز کریں اور تمام ضروری معاملات کو مناسب طریقے سے سنبھالیں۔واضح رہے کہ 1 روز قبل واشنگٹن میں فوجی ہیلی کاپٹر اور مسافر طیارہ آپس میں ٹکرا گئے تھے جس کے نتیجے میں دونوں میں سوار تمام افراد ہلاک ہو گئے تھے۔حادثے میں ہلاک مسافروں میں 2 چینی شہری بھی شامل تھے۔