ڈی چوک احتجاج کیس ، پی ٹی آئی کی 9 خواتین کارکنان کی ضمانتیں منظور

اسلام آباد کی انسداد دہشت گردی کی عدالت نے ڈی چوک احتجاج کیس میں پاکستان تحریک انصاف (پی ٹی آئی)کی 9 خواتین کارکنوں کی ضمانت منظور کرلی۔انسداد دہشت گردی کی عدالت کے جج ابوالحسنات ذوالقرنین نے درخواست ضمانت پر سماعت کی، عدالت نے پی ٹی آئی کی 9 خواتین کارکنوں کی ضمانت 30 ہزار روپے کے مچلکوں کے عوض منظور کی۔ عابدہ ملک، شاہین ہاشمی، شمائلہ افتخار، صائمہ جمشید اور حمیدہ کی ضمانت منظور کر لی گئی ہے۔