کراچی کی جیل میں بھارتی قیدی نے خودکشی کرلی

کراچی کی ڈسٹرکٹ جیل ملیر میں بھارتی قیدی گورو ولد رام آنند نے خودکشی کرلی۔
جیل انتظامیہ کے مطابق بھارتی قیدی جیل کے واش روم میں گیا اور پھندا لگا کر خود کشی کی۔
جیل انتظامیہ کے اعلامیے کے مطابق بھارتی قیدی کے خودکشی کے واقعے کے حوالے سے مزید معلومات حاصل کی جارہی ہیں۔
ملیر جیل انتظامیہ کے مطابق ملزم کو 17 فروری 2022 کو ڈسٹرکٹ جیل منتقل کیا گیا تھا، مرنے والے قیدی کی لاش سہراب گوٹھ سرد خانے منتقل کی گئی ہے۔
سپرنٹنڈنٹ ڈسٹرکٹ جیل ملیر ارشد شاہ کے مطابق خود کشی کا واقعہ 24 اور 25 مارچ کی درمیانی شب پیش آیا۔
ارشد شاہ نے مزید کہا کہ جیل کے ڈاکٹرز سے موت کی تصدیق کے بعد لاش کو قانونی کارروائی کے لیے جناح اسپتال منتقل کیا، مجسٹریٹ کی زیر نگرانی لاش کا پوسٹ مارٹم کیا جائے گا۔
سپرنٹنڈنٹ ڈسٹرکٹ جیل نے یہ بھی کہا کہ گورو کی دستاویزات اور قومیت سے متعلق قونصلیٹ کے ساتھ مشاورت جاری تھی، گورو کو دیگر بھارتی قیدیوں کیساتھ رکھا گیا تھا، ملزم بہت کم بات چیت کیا کرتا تھا۔