کوئی بھی مشکل میں ہو گورنر ہاوس آئے، کامران ٹیسوری

گورنر سندھ کامران ٹیسوری نے کہا ہے کہ ہر پریشان شخص گورنر ہاوس آئے، جب تک شعور پیدا نہیں ہوگا مسائل حل نہیں ہوں گے۔کراچی میں میڈیا سے بات کرتے ہوئے کامران ٹیسوری کا کہنا تھا کہ موٹرسائیکل چوری کی ایف آئی آر درج نہ ہوئی تو گورنر ہاوس سے رابطہ کریں۔ان کا مزید کہنا تھا کہ جسے کسی بھی مسئلے میں ہو وہ گورنر ہاوس آئے، ہم فرقوں، قوموں اور سیاسی جماعتوں میں بٹے ہوئے ہیں۔گورنر سندھ نے یہ بھی کہا کہ جب تک شعور پیدا نہیں ہوگا مسائل حل نہیں ہوں گے۔کامران ٹیسوری نے 8 فروری کو کہا کہ ایسے لوگوں کو ووٹ دیں جو آپ کے لیے کام کر سکیں، یہ آپ پر منحصر ہے کہ آپ اگلے 5 سال کے لیے آرام یا مسائل کا انتخاب کریں۔