کوشش ہے آئینی ترامیم پر سب کا اتفاق رائے ہوجائے ، بلاول

پیپلز پارٹی کے چیئرمین بلاول بھٹو زرداری نے کہا کہ آئینی ترامیم پر سب کی کوشش ہے کہ اتفاق رائے ہو جائے۔پیپلز پارٹی کے چیئرمین بلاول بھٹو زرداری نے کہا کہ آئینی ترامیم پر مزید اتفاق رائے کی ضرورت ہے، مولانا نے بہت سی باتوں پر اتفاق کیا ہے، ان کی کوشش ہے کہ 18ویں ترمیم کی طرح اس ترمیم کو بھی متفقہ بنایا جائے۔بلاول بھٹو زرداری نے کہا کہ ہم نے پارلیمنٹ میں ماحول بنایا ہے۔اسے سازگار بنانے کے لیے 2 روز قبل خصوصی کمیٹی تشکیل دی گئی۔ 2006 سے ہم چارٹر آف ڈیموکریسی کو مکمل طور پر نافذ کرنے کی کوشش کر رہے ہیں۔چیئرمین پی پی کا مزید کہنا تھا کہ آئینی ترمیم کے لیے ایک دن مزید انتظار کرنا پڑا تو کر لیں گے۔ ہم آئینی ترامیم پر اکثریت سے اتفاق رائے حاصل کرنے کی کوشش کر رہے ہیں۔