گھوٹکی ، پولیس چوکی پر ڈاکوئوں کا حملہ ، 2 اہلکار جاں بحق

سندھ کے ضلع گھوٹکی میں آندل سندرانی کے حفاظتی بند پر قائم پولیس چوکی پر ڈاکووں کے حملے میں 2 پولیس اہلکار جاں بحق ہوگئے۔ایس ایس پی گھوٹکی سمیر نور کا کہنا ہے شر گینگ کے درجن سے زائد ڈاکوں نے جدید اسلحے اور راکٹ لانچر سے تھانہ آندل سندرانی کی حدود میں واقع حفاظتی بند پر پولیس چوکی نمبر 46 پر حملہ کیا۔ انہوں نے کہا کہ جاں بحق پولیس اہلکاروں میں ظہیر تھہیم اور عبدالقادر شامل ہیں۔ایس ایس پی کا کہنا ہے کہ پولیس کی جوابی فائرنگ سے ڈاکوں کے زخمی ہونے کی اطلاعات ہیں، پولیس کی بھاری نفری طلب کرکے ڈاکوں کا تعاقب کیا جارہا ہے ۔