یوٹیلیٹی اسٹورز پر چینی مزید 5 روپے کلو مہنگی

یوٹیلیٹی اسٹورز پر چینی کی قیمت میں 5 روپے فی کلو کا مزید اضافہ کردیا گیا.ذرائع کے مطابق یوٹیلیٹی اسٹورز پر چینی کی قیمت 145روپے سے بڑھ کر 150روپے فی کلو کردی گئی ہے۔ڈیڑھ ہفتے قبل یوٹیلیٹی اسٹورز پر چینی کی قیمت 140روپے فی کلو مقرر تھی۔ذرائع یو ایس سی کے مطابق اوپن مارکیٹ میں قیمتیں مزید بڑھنے کے باعث چینی کی قیمت میں اضافہ کیا، مزید اضافے کے باوجود یوٹیلیٹی اسٹورز پر چینی اوپن مارکیٹ سے سستی ہے۔واضح رہے کہ وفاقی حکومت نے اگست 2024 میں چینی سمیت 5 بنیادی اشیا پر سبسڈی روک دی تھی۔