انٹر بینک ، ڈالر 278 روپے90 پیسے کا ہوگیا

کاروباری ہفتے کے آغاز پر آج انٹربینک میں امریکی ڈالر کی قدر میں صرف 14 پیسے کی کمی ہوئی ہے۔انٹربینک میں ڈالر 14 پیسے سستا ہونے کے بعد 278 روپے 90 پیسے ہوگیا۔گزشتہ کاروباری ہفتے کے اختتام پر انٹربینک میں ڈالر 279 روپے 4 پیسے پر تھا۔پاکستان اسٹاک ایکسچینج میں آج کاروباری ہفتے کا مثبت آغاز ہوا جو بعد میں ملے جلے رجحان میں بدل گیا۔پاکستان اسٹاک ایکسچینج کا 100 انڈیکس 60 پوائنٹس کے اضافے سے 65 ہزار 854 پر آگیا۔گزشتہ کاروباری ہفتے کے اختتام پر انڈیکس 65,793 پوائنٹس پر بند ہوا۔