غیر قانونی گیٹ وے ایکسچینج ، مجرم کو 8 سال قید ، 2 لاکھ جرمانہ

ڈسٹرکٹ اینڈ سیشن کورٹ اسلام آباد نے سائبر کرائم میں ملوث مجرم کو مجموعی طور پر 8 سال قید اور 2 لاکھ روپے جرمانہ کی سزا سنا دی۔عدالت میں جوڈیشل مجسٹریٹ محمد عباس شاہ نے اسلام آباد سے تعلق رکھنے والے مجرم قیصر عارف کو سزا سنائی ہے۔مجرم کو سزا غیر قانونی گیٹ وے ٹرانسمیشن ایکسچینج میں ملوث ہونے کا جرم ثابت ہونے پر سنائی گئی۔یہ سزا پی ٹی اے ایکٹ 1996، ای ٹی او 2002 اور پینل کوڈ کے تحت سنائی گئی ہے۔یاد رہے کہ مجرم قیصر عارف کے خلاف ایف آئی اے سائبر کرائم سرکل راولپنڈی میں 2013 میں مقدمہ درج کیا گیا تھا۔