- الإعلانات -

پاکستان کرکٹ میں تعلیم کی کمی ہے،شہریارخان

کوئٹہ: چیئرمین پی سی بی نے قومی کرکٹرزکی تعلیم پرسوالات اٹھا دیئے۔ شہریار خان کا کہنا ہے کہ سیکورٹی خدشات کی وجہ سے بین الاقوامی ٹیمیں پاکستان آنے سے ڈرتی ہیں۔

کوئٹہ کےنواب اکبربگٹی کرکٹ اسٹیڈیم میں نیوز کانفرنس میں چیئرمین پی سی بی نے کھری کھری باتیں کیں ۔ انھوں نے کہاکہ  پاکستان کی کرکٹ میں آنے والے لڑکے ناخواندہ یا نیم تعلیم یافتہ ہیں۔ قومی ٹیم میں صرف مصباح الحق گریجویٹ ہیں۔

انھوں نے واضح کیاکہ  پی سی بی ڈسپلن پردو لڑکوں کو فارغ کرچکا ہے۔ مدثرنذرکونیشنل کرکٹ اورعلاقائی اکیڈمیز کا کوچ مقرر کیا جا رہا ہے۔ان کا کہنا تھاکہ سلیکشن میں میرٹ کی پامالی ختم کی جائے گی ، شدید تنقید کے بعد اب فٹنس کلچرلارہےہیں۔ انھوں نے مزیدکہاکہ سخت کوچ کا تقرربھی اسی لئے کیا گیاہے۔

چئیرمین پی سی بی نے کہاکہ افغانستان کی کرکٹ ٹیم جلد پاکستان کا دورہ کرے گی۔ انھوں نے انکشاف کیاکہ حساس اداروں کی رپورٹ ہے کہ دہشت گرد آپریشن ضرب عضب کی وجہ سے چھوٹے شہروں میں آسان مقامات کو نشانہ بناکرغیرملکی ٹیموں کے لئے خوف کی فضا پیدا کرنا چاہتےہیں۔