- الإعلانات -

پاکستانی نژاد ڈاکٹرعبدالحفیظ نے ‘ممبرآف دی برٹش ایمپائر’ کا اعزاز حاصل کرلیا

مانچسٹر : پاکستانی نژاد ڈاکٹرعبدالحفیظ نے ممبرآف دی برٹش ایمپائر کا اعزازحاصل کرلیا ، ڈاکٹرحفیظ ایسوسی ایشن آف پاکستانی فزیشنز اینڈ سرجنز کےبانی اورسی ای او ہیں۔

تفصیلات کے مطابق پاکستانی نژاد ڈاکٹر عبدالحفیظ کو میڈیکل کے شعبے میں غیر معنولی خدمات پر ملکہ برطانیہ نے ممبر آف دی برٹش ایمپائر اعزاز سے نواز دیا ، جنرل فزیشن ڈاکٹر عبدالحفیظ کا آبائی تعلق فیصل آباد سے ہے۔ڈاکٹرحفیظ ایسوسی ایشن آف پاکستانی فزیشنزاینڈسرجنز کےبانی اورسی ای او ہیں اور 10سال سے نارتھ ویسٹ میں بطور جنرل فزیشن خدمات سر انجام دے رہے ہیں جبکہ یونیورسٹی آف مانچسٹر کے میڈیکل سکول میں کلینیکل ٹیوٹربھی رہے۔ڈاکٹر عبدالحفیظ نے بطور پاکستانی ڈاکٹر اس اعزاز کا ملنا باعث فخر قرار دیتے ہوئے کہا ہے کہ ایسوسی ایشن اس وقت دنیا کے مختلف ممالک میں کام کر رہی ہے ۔