راولپنڈی میں پی ٹی آئی کا احتجاج تیسرے روز بھی جاری

راولپنڈی میں پی ٹی آئی کے احتجاج کے باعث مری روڈ دونوں اطراف سے ٹریفک کے لیے بند ہوگیا۔
پشاور روڈ سے آئی جے پی روڈ کی جانب راستہ تاحال مکمل طور پر بند ہے۔
مری روڈ اقبال پارک کے مقام پر دونوں اطراف سے بند ہے۔ آئی جے پی روڈ پیرودھائی موڑ اور راولپنڈی روڈ پر بھی ٹریفک معطل ہے۔ اولڈ ایئرپورٹ روڈ گلزار قائد کے مقام پر بھی ٹریفک کا داخلہ ممنوع ہے۔ تحریک انصاف کے کارکنوں نے خیمہ لگا کر سڑک کو بند کر رکھا ہے شمس آباد میں بھی پی ٹی آئی کا احتجاجی کیمپ جاری ہے جہاں درجنوں کارکنان موجود ہیں۔
پی ٹی آئی کارکنان کی جانب سے پیر ودھائی اڈے پر ٹینٹ لگانے سے تجارتی اور سفری سرگرمیاں شدید متاثر ہوئی ہیں۔