پاکستانی اداکارہ زینب شبیر نے اپنے ساتھ پیش آنے والے ایک دلچسپ واقعے کا تذکرہ کیا ہے۔ اداکارہ زینب شبیر حال ہی میں ایک نجی ٹی وی کے پروگرام میں شریک ہوئیں اور دوران شو مداحوں کو ریسٹورینٹ میں پیش آنے والے واقعے سے متعلق بتایا۔
زینب کا کہنا تھا کہ اپنی سالگرہ کے روز اپنے دوست اور بہن کے ساتھ ریسٹورینٹ میں بیٹھی کھانا کھارہی تھی کہ اس دوران ایک خاتون پیچھے سے آئیں اور بڑی خوشدلی سے خیریت پوچھی۔ انہوں نے بتایا کہ میں خاتون کی خوشدلی دیکھ کر چونک گئی اور انہیں سلام کیا جس کے بعد انہوں نے مجھ سے نام پوچھا اور سوال شروع کردیے ۔
اداکارہ کے مطابق تمام باتوں کے بعد خاتون نے ساتھ بیٹھی میری بہن سے رشتہ بھیجنے کی خواہش کا اظہار کیا۔ زینب شبیر نے بتایا کہ خاتون کی پیشکش پر میرے دوست نے صاف انکار کرتے ہوئے کہا کہ ہم ابھی اس کی شادی نہیں کرناچاہتے۔
