مون سون بارشیں،احتیاط زندگی ہے

مون سون کا موسم انتہائی خطرناک ہوتاہے اس میں احتیاط انتہائی ضروری ہے کیونکہ احتیاط ہی زندگی ہے کیونکہ ذرا سی بد احتیاطی کے نتائج خطرناک ہو سکتے ہیں یہ زندگی بھرکا روگ بھی بن سکتاہے اس لئے مون سون کے موسم میں خود بھی یہ احتیاطیں اپنائیں اور دوسروں کوبھی تلقین کریں۔ 1۔ ہمیشہ کپڑے اور جوتے جھاڑ کر پہنیں ایسا کرنے کا حکم بذات ِ خود نبی ٔ اکرم ۖ نے دیاہے یہ سنت بھی ہے اور ثواب بھی۔ اپنے دھلے یا میلے کپڑوں کو غسل خانوں میں مت لٹکائیں۔میلے کپڑوں کی باسکٹ یا ٹب بھی غسل خانوں میں نہ رکھیں اور اگر رکھنا ہی ہو تو کوشش کریں کہ یہ ڈھکن والے ہوں۔2۔ گھر کی صفائی ستھرائی کی چیزیں جیسے جھاڑو یا فرش اور صفائی والا کپڑا جھاڑ کر استعمال کریں۔ گیراج، صحن یا کوریڈور میں پڑی چیزوں کو دیکھ بھال کر اٹھائیں اورننگے پاؤں نہ پھریں۔3۔گھر میں موجود ڈرینیج اور پائپوں کے منہ کو اچھی طرح جالیوں سے بند کریں۔ 4۔ باورچی خانے میں کھانے پینے کی کوئی بھی چیز ڈھکے بغیر نہ رکھیں خاص طور پر رات کے وقت۔ پانی کے برتنوں اور کھانے پینے والی چیزوں کو بھی ڈھانپ کر رکھیں۔5۔ مون سون کے موسم سانپ، بچھو، زہریاے کیڑے مکوڑے افراط سے نکلتے ہیں اس لئے رات کے وقت کوئی بھی کھانے کی چیز کو فرش پر پڑا نہ رہنے دیں۔6۔ اگر گھر کے صحن، گیراج، چھت یا کسی اور جگہ اینٹیں روڑے پتھر وغیرہ پڑے ہیں اور انہیں ہٹانا ہو تو بہت دھیان سے ہٹائیں کیونکہ ایسی جگہیں سانپ، بچھو اور دیگر حشرات الارض کو بہت پسند ہوتی ہیں۔7۔ ایک بڑی بوتل میں کیڑے مار دوائی کا مکسچر تیار رکھیں اور بوقت ضرورت چھڑک دیں۔ بوتل کے اوپر سپرے والی نوزل لگا لیں جو کہ بازار سے آسانی مل جاتی ہے۔ اس بوتل کے اوپر کاغذ پر لکھ کر چپکا دیں کہ اس میں کیا ہے اور بچوں کی پہنچ سے دور رکھیں۔8۔ گھر کے کونوں کھدروں اور صوفوں بیڈز وغیرہ کے نیچے دھیان سے صفائی کریں اور ایسا کرتے وقت احتیاط کریں پائوں ننگے نہ ہوں۔9۔ پانی یا کوئی بھی کھانے پینے والی چیزوں کو دیکھے بغیر مت استعمال کریں۔10۔ گھر میں موجود الماریوں کے پٹ چیزیں نکالنے یا رکھنے کے بعد کھلے نہ چھوڑیں۔ 11۔ اگر کسی الماری کے خانے میں کپڑے عرصہ دراز سے تہہ ہوئے پڑے ہیں تو انہیں احتیاط سے اٹھائیں اور استعمال کریں۔12۔ اس کے علاوہ بجلی کی چیزوں کو ننگے پاؤں اور گیلے ہاتھوں اور گیلے کپڑوں کے ساتھ ٹچ نہ کریں۔ اگر پانی بجلی والی موٹر صحن میں ہے تو اسے پلاسٹک شیٹ سے ڈھانپ کر رکھیں۔ ایسا کوئی بھی سوئچ بورڈ جو ایسی جگہ ہے جہاں بارش کا پانی آتا ہے، اسے لکڑی کی چھڑی سے، خشک جوتے سے، خشک ہاتھوں یا خشک کپڑوں سے ٹچ کریں۔۔ بچوں سے ہرگز پانی کی موٹر کا یا دیگر سوئچ آن آف نہ کروائیں۔13۔ خواتین کچن میں کام کرتے ہوئے اور الیکٹرک ہوم اپلا ئینسز استعمال کرتے وقت اپنا خاص خیال رکھیں اور بالکل بے احتیاطی نہ کریں۔14۔ اس کے علاوہ گیلے فرش پر قدم جما کر اور احتیاط سے چلیں۔ اپنے گھر کے بزرگوں کا خاص طور پر خیال رکھیں کہ ان کے آنے جانے کی جگہ خشک ہو، اگر زیادہ ضعیفی ہو تو خود پکڑیں یا انہیں چھڑی پکڑ کر چلنے پر اصرار کریں۔15۔ گھر میں کوئی پالتو جانور ہیں یا باڑے میں مویشیوں کیلئے خشک اور صاف جگہ کا بندوبست کریں۔ 16۔ گارڈن کی کیاریوں اور گملوں میں گھاس اور جڑی بوٹیاں نہ اگنے دیں، اگی ہیں تو انہیں نکال دیں، ایک ہی جگہ پر بہت سے گملوں اور پودوں کا رش نہ ڈالیں۔ بند جوتا پہن کر اور دستانے چڑھا کر گارڈننگ کریں اور کسی بھی تارکو مت چھوئیں کیونکہ احتیاط زندگی ہے۔