بالی ووڈ اداکارہ ایشوریہ رائے بچن پانچ برس بعد نئی تامل فلم ’پوننین سیلون‘ کے ذریعے بڑے پردے پر جلوہ گر ہوں گی۔
تفصیلات کے مطابق جنوبی بھارت کی فلم انڈسٹری کے معروف فلم ساز ادارے لائیکا پروڈکشنز نے پوننین سیلون کا ٹریلر جاری کردیا ہے۔ اس فلم میں ایشوریا رائے بچن 2 مختلف کرداروں میں نظر آئیں گی۔ ایشوریہ رائے بچن نے اپنے آفیشل انسٹاگرام اکاؤنٹ سے فلم کا ٹیزر شیئر کیا ہے۔
دل سے، گرو، راون اور روجا جیسی فلموں کے خالق منی رتنم نے پوننین سیلون کی ہدایت کاری کے فرائض سرانجام دیئے ہیں۔
View this post on Instagram
30 ستمبر کو ریلیز ہونے والی اس فلم کی کہانی 10 ویں صدی عیسوی میں ہندوستان کی سب سے بڑی ریاست شمار ہونے والی چولا سلطنت کے گرد گھومتی ہے۔
