اسلام آباد ہائیکورٹ کی جیل مینوئل کے مطابق عمران خان کو سہولیات فراہمی کی ہدایت

اسلام آباد ہائیکورٹ نے جیل مینوئل کے مطابق چیئرمین پی ٹی آئی کو سہولیات فراہمی کی ہدایت کردی۔ چیف جسٹس عامر فاروق نے اٹک جیل سے اڈیالہ جیل منتقلی درخواست پر تحریری آرڈر جاری کرتے ہوئے کہا کہ جیل مینوئل اور جن سہولیات کے چیئرمین پی ٹی آئی حقدار ہیں وہ دی جائیں۔تحریری آرڈر کے مطابق اٹک سے اڈیالہ جیل منتقلی درخواست پر وفاق اور صوبائی حکومت 11 اگست کو جواب دے جبکہ درخواست گزار کے وکیل نے بتایا سیشن کورٹ نے اڈیالہ جیل میں رکھنے کا کہا۔بعدازاں اسلام آباد ہائیکورٹ نے اٹک جیل سے اڈیالہ جیل منتقلی درخواست پر 11 اگست تک سماعت ملتوی کردی۔