لاپتہ افراد سے متعلق پروپیگنڈا اور حقائق

یہ امر تشویش کا باعث ہے کہ بین الاقوامی میڈیا/تجزیہ کار اور دیگر ادارے لاپتہ افراداور جبری گمشدگیوں کے معاملے پر بار بار پاکستان کو مورد الزام ٹھہراتے ہیں۔ مبصرین کے مطابق اس معاملے کی حقیقت کا جائزہ لینے کی اشد ضرورت ہے کیوں کہ پاکستان کے بارے میں عالمی تاثر یہ ہے کہ ملک میں انسانی حقوق سے متعلق مسائل بالخصوص لاپتہ افراد کے مسائل موجود ہیں۔بین الاقوامی میڈیا/ تجزیہ کار جبری گمشدگیوں کے معاملے پر تشویش کا اظہار کرتے ہیں اور آمنہ مسعود جنجوعہ اور مہرنگ بلوچ جیسے لوگوں کو اجاگر کرتے ہیں جو اس موضوع پر احتجاج کرتے ہیں۔ علاوہ ازیں انسانی حقوق کی تنظیمیں اور بین الاقوامی غیر سرکاری تنظیمیں (INGOs) جیسے ایمنسٹی انٹرنیشنل اور ہیومن رائٹس واچ پاکستان سے اس مسئلے کو حل کرنے کےلئے کہتے رہتے ہیں۔ نا م نہاد قوم پرستی سے وابستہ افراد، اس معاملے کو ایک عالمی پیچیدہ رجحان بنا دیتے ہیں اور اس طرح پاکستان کے خلاف ایک شوشل میڈیا پرمنفی مہم چلائی جا رہی ہے۔ اس صورتحال کا جائزہ لیتے ہوئے سنجیدہ حلقوں نے رائے ظاہر کی ہے کہ میڈیا کی رسائی نے اس مسئلے کو ایک عالمی تشویش کے طور پر تبدیل کر دیا ہے جسے متعدد بین الاقوامی فورمز میں بڑھا چڑھا کر پیش کیا جا رہا ہے۔ درحقیقت پاکستان میں لاپتہ افراد کا معاملہ اتنا سنگین نوعیت کا نہیں جتنا کہ عالمی سطح پر پیش کیا گیا ہے بلکہ ترقی یافتہ ریاستوں سمیت دنیا کے دیگر ممالک کے مقابلے پاکستان میں ایسے کیسز بہت کم ہیں۔ واضح رہے کہ لاپتہ افراد ایک تسلیم شدہ عالمی رجحان ہے اور پاکستان ان ممالک میں شامل نہیں ہے جہاں لاپتہ افراد کی تعداد اور ان کے کیسز بہت زیادہ ہیں ۔البتہ یہ کچھ پاکستان مخالف لابیوں کی طرف سے ملک کو بدنام کرنے کی سازش ہے۔ مبصرین کے بقول کچھ لوگ پاکستان چھوڑ کر دوسرے ملک میں داخل ہو جاتے ہیں، اس طرح حکام کو ان کی حیثیت کا علم نہیں ہوتا اور خاندان کے افراد اس بات کو ظاہر نہیں کرنا چاہتے کہ وہ ایسے افراد کے بارے میں جانتے ہوں ہےں اور اس کے لوگ دہشتگردی میں براہ راست ملوث پائے گئے ہےں اور ان کے دستاویزی ثبوت دنیا کے سامنے آچکے ہےں ۔ بدقسمتی سے، پچھلے کچھ سالوں میں کچھ نوجوانوں کو پاکستان میں موجود دہشت گرد تنظیموں جیسے ٹی ٹی پی نے بھرتی کیا اور ایسے افراد یا تو ایل ای اے کے ساتھ مقابلوں میں مارے جاتے ہیں یا پھر روپوش ہوجاتے ہےں ۔یہاں تک کہ ایسی مصدقہ انٹیلی جنس اطلاعات بھی ہیں کہ کچھ پاکستانیوں نے پاکستان کے قوانین کے خلاف مختلف ممالک میں سیاسی پناہ حاصل کی اور زیادہ تر ایسے لوگ کبھی بھی اپنے ٹھکانے کو ظاہر نہیں کرنا چاہتے اور بدقسمتی سے بیرونی ممالک اس سلسلے میں پاکستان کے ساتھ کم ہی تعاون کرتے ہیں۔ یہاں یہ بات خاص توجہ کی حامل ہے کہ پاکستان میں جاسوسی میں ملوث مشتبہ دہشت گردوں کو متعلقہ حکام کی خفیہ تحقیقات کے تحت رکھا گیا ہو۔یہاں تک کہ ایسی اطلاعات بھی ہیں کہ دہشت گرد اپنے ہی ساتھیوں کو مطلوبہ مقاصد کے بعد قتل کر دیتے ہیں اور ایسے افراد کو منفی عناصر لاپتہ افراد کے طور پر بھی پیش کرتے ہیں۔تحقیق پر مبنی تاریخ واضح طور پر بتاتی ہے کہ پاکستان میں لاپتہ افراد کے کیسز دیگر ممالک جیسے امریکہ، ہندوستان، برطانیہ وغیرہ کے مقابلے میں نمایاں طور پر کم ہیں۔بدقسمتی سے، کچھ پاک مخالف سیاست دان، تجزیہ کار اور اختلافی کارکن بین الاقوامی سطح پر پاکستانی مفادات کو نقصان پہنچانے کے لیے مفاد پرست/دشمن کے ایجنڈے پر کام کر رہے ہیں اور کہانیوں کو توڑ مروڑ کر پاکستان میں لاپتہ افراد کے معاملے کو اپنے ایک بڑے ہتھیار کے طور پر استعمال کر رہے ہیں۔ یا د رہے کہ بلوچستان میں، اختر مینگل نے 5,000 لاپتہ افراد کے اعداد و شمار کا حوالہ دیا، جبکہ انہوں نے صرف 1,000 کا ڈیٹا شیئر کیا۔ جبکہ مسٹر مینگل کے فراہم کردہ ڈیٹا میں اکثر جعلی پتے تھے۔ اس میں ہلاک ہونے والے افراد اور بلوچ دہشت گرد تنظیموں میں خدمات انجام دینے والے دہشت گرد اور چند وہ لوگ شامل تھے جو آزاد مرضی سے پڑوسی ممالک گئے تھے۔ایسے میں سبھی جانتے ہےں کہ ماما قدیر، آمنہ مسعود جنجوعہ، محسن داوڑ، ایمان مزاری وغیرہ لاپتہ افراد کے لیے آزادانہ احتجاج اور دھرنے دے رہے ہیں۔ مارچ 2022 سے لاپتہ افراد کے کارکنوں نے پاکستان کے مختلف شہروں میں 80 سے زائد احتجاجی مظاہروں اور دھرنوں کا اہتمام کیا ۔ ایسے میں یہ ایک بار پھر سنگین تشویش کی بات ہے کہ لاپتہ افراد/ جبری گمشدگیوں کے معاملات پر ریاست مخالف عناصر عالمی برادری/ میڈیا کی نظروں میں پاکستان کو بدنام کرنے کےلئے ریاست کے اعلیٰ ترین ادارے کو نشانہ بنا رہے ہیں۔ اگرچہ لاپتہ شخص کا معاملہ پاکستان میں اتنا سنگین نہیں ہے لیکن اس کے باوجود حکومت پاکستان نے لاپتہ افراد/جبری گمشدگیوں کے کیسز کی تحقیقات کےلئے کمیشن آف انکوائری آن انفور سڈ ڈسپیئرنس (COIOED 2011) سمیت اعلیٰ سطح کے کمیشن اور باڈیز تشکیل دی ہیں۔ قانون نافذ کرنے والے اداروں اور COIOED کی کوششوں سے گزشتہ چند سالوں میں 77 فیصد مقدمات کو حل کیا جا چکا ہے۔ پاکستان میں صرف 23 فیصد مقدمات زیر التوا ہیں جنہیں وقت کے ساتھ ساتھ ریاست کے قانون کے مطابق حل کیا جارہا ہے ۔اکتوبر، 2022 میں، قومی اسمبلی نے فوجداری قوانین میں ترمیم کا بل 2022 منظور کیا، جس میں شق 514 کو ہٹانے کے بعد جبری گمشدگیوں کو حل کیا گیا، جس میں ثبوت فراہم نہ کرنے پر پانچ سال کی سزا مقرر کی گئی تھی۔ حکومت پاکستان نے ایک بین الاقوامی تنظیم سے بھی رابطہ کیا ہے اور 1489 میں سے 1125 کیسز (75%) کو حل کیا گیاہے جن کی اطلاع ”یو این ورکنگ گروپ آن فورسڈ یا غیر رضاکارانہ گمشدگیوں (UNWGEID)” کو دی گئی تھی۔ ایسے میں یہ امر پوری طرح واضح ہے کہ لاپتہ افراد کے مسئلے کو م¶ثر طریقے سے حل کرنے کے لیے درست، شفاف اور قابل تصدیق ڈیٹا کی اشد ضرورت ہے ۔امید کی جانی چاہےے کہ تما م متعلقہ اس ضمن میں اپنی ذمہ داریاں موثر ڈھنگ سے ادا کرئیں گے۔