وزیراعلیٰ کو خیبر پختونخوا کے امن سے کوئی سرو کار نہیں ، گورنر فیصل کریم کنڈی

گورنر فیصل کریم کنڈی نے کہا ہے کہ وزیراعلی کا خیبرپختونخوا کے امن سے کوئی تعلق نہیں۔ گفتگو کرتے ہوئے فیصل کریم کنڈی کا کہنا تھا کہ خیبرپختونخوا کی موجودہ حکومت میں عدم تحفظ بڑھ رہا ہے، کے پی حکومت امن قائم کرنے میں ناکام ہو رہی ہے، صوبے کے وزیراعلی کو جلسوں اور جلوسوں سے فرصت نہیں۔فیصل کریم کنڈی نے کہا کہ آج سڑکوں پر آنے والوں کو ہم نے پرامن پاکستان دیا، کے پی حکومت کو سیکیورٹی کے لیے 600 ارب ملے لیکن پولیس کے پاس وسائل نہیں ہیں۔انہوں نے کہا کہ کے پی کے حکومت اس نعرے پر چل رہی ہے کہ کرپشن کرپشن کرپشن ہے، پشاور بی آر ٹی میں کرپشن سامنے آئی۔فیصل کریم کنڈی نے کہا کہ مخلوط حکومتوں میں مسائل ہیں، شکوک و شبہات دور کریں گے۔