اسٹاک ایکسچینج انڈیکس 80 ہزار کی حد عبور کرگیا

پاکستان اسٹاک ایکسچینج میں آج کاروبار کے آغاز پر تیزی کا رجحان دیکھا جارہا ہے جہاں انڈیکس 80 ہزار کی حد عبور کرگیا۔گزشتہ روز کاروبار کے اختتام پر انڈیکس 79 ہزار 17 پوائنٹس کی سطح پر بند ہوا۔ اس حوالے سے ماہرین کا کہنا ہے کہ شرح سود میں کمی اور آئی ایم ایف کے ساتھ معاملات میں پیش رفت سے اسٹاک بزنس پر مثبت اثرات مرتب ہوئے۔ دوسری جانب ایم ایف کا ایگزیکٹو بورڈ 25 ستمبر کو پاکستانی پروگرام کا فیصلہ کرے گا۔