بجٹ 2024-25 میں استعمال شدہ گاڑیاں مزید مہنگی ہونے کا خدشہ

پرانی گاڑیوں پر ریگولیٹری ڈیوٹی میں متوقع اضافے کی صورت میں بجٹ 2024-25 میں استعمال شدہ گاڑیاں مزید مہنگی ہونے کی توقع ہے۔بجٹ میں 1800 سی سی سے بڑی گاڑیوں پر ریگولیٹری ڈیوٹی میں 30 فیصد اضافے کی توقع ہے تاہم 1800 سی سی تک کی نئی اور پرانی ہائبرڈ گاڑیوں پر صفر ڈیوٹی برقرار رکھنے کی تجویز ہے۔پاکستان میں درآمد شدہ استعمال شدہ بڑی گاڑیوں پر ڈیوٹی کی شرح 70 سے 100 فیصد تک بڑھنے کا امکان ہے۔ واضح رہے کہ ریگولیٹری ڈیوٹی میں کمی کے باعث گزشتہ سال گاڑیوں کی درآمد میں 255 فیصد اضافہ ہوا تھا۔