عدالت نے انسداد دہشت گردی کی دفعات کے تحت درج مقدمے میں وزیراعلی خیبرپختونخوا علی امین گنڈا پور کے وارنٹ گرفتاری کو برقرار رکھتے ہوئے ملزم تنویر بٹ کو اشتہاری قرار دینے کی کارروائی شروع کردی۔پی ٹی آئی رہنما فیصل جاوید اور دیگر کے خلاف کیس کی سماعت انسداد دہشت گردی عدالت کے جج طاہر عباس سپرا نے کی۔علی امین گنڈا پور، عمر تنویر اور واثق قیوم عدالت میں پیش نہیں ہوئے۔عدالت نے وزیراعلی کے پی کے علی امین گنڈا پور اور واثق قیوم کے وارنٹ گرفتاری برقرار رکھتے ہوئے پی ٹی آئی رہنما عمر تنویر بٹ کو اشتہاری قرار دینے کی کارروائی شروع کردی۔بعد ازاں اسلام آباد کی انسداد دہشت گردی عدالت نے کیس کی مزید سماعت 21 اکتوبر تک ملتوی کردی۔
Related Post
