حج اور عمرے کے سوا دیگر مسافروں کے آب زم زم لے جانے پر پابندی عائد

اسلام آباد:حج اور عمرے پر جانے والے مسافروں کے سوا دیگر تمام افراد پر آب زم زم لے جانے پر پابندی عائد کردی گئی۔ہمارے نمائندے کے مطابق سعودی وزارت حج وعمرہ نے سعودی عرب کے لئے آپریٹ کرنے والی تمام ایئر لائنز کو مراسلہ ارسال کردیا ہے۔وزارت کے فیصلے کے مطابق صرف حج اور عمرے پر آنے والے مسافر ہی آب زم زم اپنے ہمراہ لاسکتے ہیں۔مراسلے میں کہا گیا ہے کہ وزٹ ویزا،بزنس ویزا اور نوکری پیشہ افراد اپنے ہمراہ آب زم زم ساتھ نہیں لاسکتے۔حج اور عمرے کے مسافروں کیلئے بھی کنگ عبداللہ بن عبدالعزیز زم زم واٹر کی پانچ لیٹر کی صرف ایک بوتل ہی جہاز پر لوڈ کی جاسکتی ہے۔