سفاک شخص نے رشتے سے انکار پر لڑکی کی ماں سے بلوسلوکی کے بعد قتل کردیا

ساہیوال:پنجاب کے علاقے ساہیوال میں رشتہ نہ دینے پر سفاک شخص نے لڑکی کی والدہ کو اغواء کے بعد زیادتی کر کے قتل کردیا۔ہمارے نمائندے کے مطابق ساہیوال کے تھانہ نور شاہ کی حدود میں انسانیت کو شرما دینے والا واقعہ پیش آیا جہاں رشتہ نہ دینے پر خاتون کو زیادتی کے بعد قتل کردیا گیا۔پولیس حکام کے مطابق ملزم عاشف نے صغریٰ بی بی سے بیٹی کا رشتہ مانگا اور انکار پر ساتھیوں کے ساتھ مل کر خاتون کو اغواء کر کے مبینہ زیادتی کے بعد قتل کردیا۔ملزم نے خاتون کی لاش خالی کوارٹر میں پھینکی جس کی اطلاع مکینوں نے پولیس کو دی۔پولیس نے تین ملزموں کے خلاف مقدمہ درج کر کے گرفتاری کی کوششیں شروع کردی ہیں۔