صدر مملکت ڈاکٹر عارف علوی نے اعلیٰ عدلیہ میں ججز کی تعیناتی کی منظوری دے دی۔
تفصیلات کے مطابق صدر مملکت ڈاکٹر عارف علوی نے چیف جسٹس اسلام آباد ہائیکورٹ جسٹس اطہر من اللہ اور سندھ ہائیکورٹ کے جج جسٹس سید حسن اظہر رضوی کی بطور سپریم کورٹ جج تعیناتی کی منظوری دی ہے۔
صدر مملکت نے جسٹس اطہر من اللہ، جسٹس سید حسن اظہر رضوی اور جسٹس شاہد وحید کی بطور سپریم کورٹ جج تعینات کرنے کی منظوری دی۔
اس کے علاوہ صدر مملکت نے جسٹس عامر فاروق کو اسلام آباد ہائیکورٹ کا چیف جسٹس تعینات کرنے کی بھی منظوری دی۔
واضح رہے کہ صدر مملکت ڈاکٹر عارف علوی نے مندرجہ بالا تعیناتیوں کی منظوری آئین پاکستان کے آرٹیکل 175 اے کے تحت دی ہے۔
