فلاحی تنظیم کی قابل ستائش خدمات

الخدمت فاونڈیشن وطن عزیز کی سب سے بڑی غیر حکومتی فلاحی تنظیم ہے۔ یوں تو الخدمت فاونڈیشن نے قیام پاکستان کے وقت امداد مہاجرین کے کٹھن کام سے اپنے کار خیر کا آغاز کر دیا تھا مگر غیر حکومتی فلاحی تنظیم کے طور پر اسے سن نوے میں رجسٹر کیا گیا۔ اس تنظیم کے پیش نظر کار ہائے خیر میں سب سے نمایاں وقت آفات میں رضاکارانہ سرگرمیاں ہیں۔ الخدمت فاونڈیشن اس وقت پاکستان کے 150اضلاع میں اپنی خدمات سر انجام دے رہا ہے۔ راقم الحروف نے محترم ڈاکٹر امان اللہ ڈین لاءفیکلٹی، پنجاب یونیورسٹی کے ہمراہ الخدمت فاو¿نڈیشن رائےونڈ روڈ لاہور کا دورہ کیا۔الخدمت لاہور کے سرپرست اعلیٰ میاں ذکر اللہ مجاہد نے فاو¿نڈیشن کی کارکردگی تفصیل سے بتاتے ہوئے کہا کہ الخدمت فاونڈیشن پاکستان اس وقت مختلف شعبہ جات میں کام کر رہی ہے۔ ان شعبہ جات میں تعلیم، صحت، کفالت یتامٰی، صاف پانی، مواخات، سماجی خدمات اور آفات سے بچاو¿ کے شعبہ جات شامل ہیں۔ طلبا و طالبات کو فنی تعلیم اور پیرا میڈیکل سٹاف کو تربیت بھی دی جا رہی ہے ۔ میڈیا اور پرنٹ میڈیا کا شعبہ بھی قائم کیا گیا ہے۔جناب سرپرست اعلیٰ الخدمت فاو¿نڈیشن لاہور نے بتایا کہ بائیس اصحاب اس ادارے کی نگرانی کر تے ہیں۔ یہ ادارے سے کوئی تنخواہ نہیں لیتے بلکہ پارٹ ٹائم اپنی خدمات انجام دیتے ہیں۔ اس کے علاوہ دیگر شعبوں میں سٹاف تنخواہ دار ہے۔میاں ذکراللہ مجاہد بھی ان بائیس اصحاب میں شامل ہیں جو ادارے کی بلا معاوضہ نگرانی کا فریضہ انجام دیتے ہیں۔ الخدمت فاو¿نڈیشن کا یہ کام مستحق اور نادار افراد کےلئے ایک نعمت ہے جس کےلئے ہم مخیر حضرات کے بھی شکر گزار ہیں ۔ الخدمت کے شعبہ صحت کے تحت متعدد منصوبے شروع کئے گئے۔ خاص طورپرگزشتہ سال سیلاب کے علاقوں میں الخدمت کی خدمات قابل ستائش ہیں۔ پاکستان میں سال 2022ءمیں سیلاب سے تقریباً سوا تین کروڑ افراد متاثر ہوئے۔ اس صورتحال میں الخدمت فاو¿نڈیشن نے میڈیکل کیمپس، فیلڈ ہسپتال، موبائل ہیلتھ یونٹس اور موبائل ایمبولینس وینز کے ذریعے سیلاب سے متاثرہ افراد کو صحت کی سہولیات فراہم کیں۔میں نے محترم ذکراللہ مجاہد سے گفتگو کرتے ہوئے بتایا کہ میں پہلے ہی فاو¿نڈیشن انتظامیہ سے کہا چکا ہوں کہ ایک میڈیکل کالج کھولیں کیونکہ سرکاری میڈیکل کالجوں کی فیسیں و دیگر اخراجات تو بہت زیادہ ہیں اور نرسنگ کا کالج کھولیں کیونکہ پرائیویٹ ادارے بھی بہت پیسے بٹورتے ہیں اور تعلیم کا ستیاناس کرتے ہیں تو انہوںنے بتایا کہ پشاور میں میڈیکل کالج میڈیکل کالج قائم کیا جس میں سے اب تک چار ، پانچ بیج پاس ہو چکے ہیں۔بہترین کارکردگی پر نہ صرف اندرون ملک بلکہ بیرون ملک بھی الخدمت کی خدمات کو سراہا گیا اور اعزازات سے نوازا گیا۔ ترکیہ کے زلزلے کے دوران الخدمت فاو¿نڈیشن پاکستان کی گراں قدر خدمات کو مد نظر رکھتے ہوئے ایوان صدر ترکیہ(انقرہ) میں منعقدہ تقریب میں صدر جمہوریہ ترکیہ رجب طیب اردوان اور ترک عوام کی جانب سے الخدمت فاونڈیشن کو ترکی کا سب بڑا سماجی ایوارڈ "تمغہ حسن کارکردگی” سے نوازا گیا۔یہ اعزاز ، حالیہ ترک زلزلوں میں الخدمت فاو¿نڈیشن کی ٹیم کی جانب سے ترکیہ میں ادا کی گئی گراں قدر خدمات اور غیر معمولی امدادی کاوشوں کے اعتراف میں پیش کیا گیا۔اس سلسلے میں ترکیہ کے دارالحکومت انقرہ میں خصوصی تقریب کا اہتمام کیا گیا جس میں خود ترک صدر رجب طیب ایردوان بھی موجود تھے۔الخدمت فاو¿نڈیشن کی جانب سے یہ اعزاز اکرام الحق سبحانی نے وصول کیا ، جنہوں نے الخدمت فاو¿نڈیشن کی اس امدادی ٹیم کی قیادت کی تھی جو 6 فروری کے زلزلوں کے فوراً بعد ترکیہ اور شام میں ریسکیو کے سلسلے میں بھیجی گئی تھی۔اسی طرح گزشتہ برس پاکستان کے دورے پر آئے اقوام متحدہ کے سیکریٹری جنرل انتونیو گوتریس نے الخدمت فاو¿نڈیشن کے سابق صدر محمد عبدالشکور سے ملاقات میں الخدمت کے سیلاب ریلیف کے کاموں کو سراہا۔ تنظیم ملک بھر کے بارش وسیلاب متاثرین کی امداد وبحالی کےلئے کروڑوں روپے خرچ کر چکی ہے۔ کے پی کے، پنجاب اور حیدرآباد، سانگھڑ، لاڑکانہ، ٹھٹہ، سکھر، نواب شاہ اور دادو سمیت سندھ بھر کے بارش و سیلاب سے متاثرہ 27 اضلاع میں الخدمت کے رضاکار متاثرین کی امداد و بحالی کے کاموں میں دن رات کوشاں ہیں۔ الخدمت فاو¿نڈیشن نے سیلاب متاثرین کی امدادی سرگرمیوں کے ذریعے نوجوانوں میں نیا قومی جذبہ پیدا کیا اور محنت، تہذیب اور دکھ درد کے احساس کا کلچر دیا ہے۔ نوجوان قومی قیادت کی غلطیوں میں غرق ہونے کی بجائے اپنا مقام اور اپنا مستقبل خود محفوظ کریں ۔ الخدمت فاو¿نڈیشن ملک میں یتیموں کی کفالت سے لے کر مسکینوں کو کھانا کھلانے تک،تعلیمی اخراجات سے لے کر صحت کے معاملات تک اور پھر زلزلہ زدگان سے لے کرسیلاب زدگان تک ہر جگہ وطن عزیز کی الخدمت دن رات مصروف عمل دکھائی دیتی ہے۔
٭٭٭٭٭