وزیراعظم شہباز شریف کی روسی صدر پیوٹن سے ملاقات

وزیر اعظم شہباز شریف نے بدھ کو شنگھائی تعاون تنظیم ایس سی او کے سربراہی اجلاس کے موقع پر روسی صدر ولادی میر پیوٹن سے اہم ملاقات کی اور کہا کہ دونوں ممالک کے درمیان تعلقات اپنی طاقت پر قائم ہیں اور یہ جغرافیائی حالات یا اسلام آباد کے دوسرے ممالک سے تعلقات سے متاثر نہیں ہوتے ہیں۔وزیر اعظم شہباز شریف کی ملاقات شنگھائی تعاون تنظیم کے پلیٹ فارم پر ہوئی، بنیادی طور پر چین کی قیادت میں، شنگھائی تعاون تنظیم (ایس سی او)کا مقصد عالمی سیاسی نظام میں واحد طاقت کی بالادستی کے تصور کو ختم کرنا اور اسی طرح کی تنظیموں کی تشکیل کے ذریعے ایک کثیر قطبی عالمی نظام قائم کرنا ہے۔ دوسری جنگ عظیم کے بعد کا نظام، جسے اکثر نوآبادیاتی دور کے جانشین کے طور پر دیکھا جاتا ہے، اقتصادی اور سیاسی غلبے کے ایک پیچیدہ جال میں تبدیل ہوا ہے۔ براہ راست قبضے کے بجائے، اب طاقتور ممالک اقتصادی ذرائع سے اثر و رسوخ استعمال کرتے ہیں، اس بات کو یقینی بناتے ہوئے کہ ترقی پذیر ممالک ان کے کنٹرول میں رہیں۔ اس حکمت عملی میں اکثر کمزور ممالک میں ان کا انحصار برقرار رکھنے کے لیے اقتصادی ترقی میں رکاوٹیں ڈالنا شامل ہوتا ہے۔طاقتور قومیں اپنی بالادستی کو برقرار رکھنے کےلئے اکثر کم بااثر ممالک کے معاشی معاملات میں مداخلت کرتی ہیں۔ یہ مداخلت صنعتی ترقی میں خلل ڈالتی ہے، جس سے معاشی زوال ہوتا ہے۔ مزید برآں، عالمی سطح پر تسلیم شدہ سیاسی اخلاقیات کو ان طاقتور ممالک کی طرف سے اکثر نظرانداز کیا جاتا ہے، جسکے نتیجے میں ان ممالک میں علیحدگی پسندی، انتہا پسندی اور دہشت گردی کو فروغ ملتا ہے جہاں وہ کنٹرول کرنا چاہتے ہیں۔تبدیلی کی واضح ضرورت کے باوجود دوسری جنگ عظیم کے بعد عالمی نظام کی ریڑھ کی ہڈی کے طور پر ابھرنے والی طاقتوں نے ان مسائل کو حل کرنے کے لیے بہت کم کوششیں دکھائی ہیں جس سے اقوام متحدہ جیسے بین الاقوامی اداروں کی ساکھ کو نقصان پہنچا ہے۔ ایس سی او کا بنیادی مقصد اپنے رکن ممالک کے مشترکہ مفادات کا تحفظ اور انکی سٹریٹجک آزادی کو یقینی بنانا ہے۔ اس میں تعاون کے ذریعے علاقائی سلامتی کے مسائل کو حل کرنا اور بیرونی طاقتوں کے اثر و رسوخ کو کم کرنا شامل ہے۔ چین کا گلوبل سیکیورٹی انیشیٹو ان اہداف کے حصول کےلئے ایک رہنما فریم ورک کا کام کرتا ہے، رکن ممالک کو اپنے اختلافات کو حل کرنے اور علاقائی استحکام کے لیے مل کر کام کرنے کی ترغیب دیتا ہے۔اس تناظر میں، شنگھائی تعاون تنظیم کا شنگھائی اسپرٹ کا تصور امید کی کرن بن کر ابھرتا ہے۔ چین کی طرف سے شنگھائی اسپرٹ باہمی اعتماد، ثقافتی تنوع کے احترام اور مشاورت اور تعاون کے ذریعے مشترکہ ترقی کے حصول پر زور دیتا ہے۔ شنگھائی تعاون تنظیم ایک ایسے عالمی نظام کا تصور کرتا ہے جہاں چھوٹے اور کمزور ممالک کے حقوق کو طاقت کے ذریعے دبایا نہیں جاتا بلکہ سٹریٹجک خود مختاری اور باہمی فائدے کے ذریعے ان کا تحفظ کیا جاتا ہے۔ ایس سی او کے نظریات سے وابستگی کا مطلب دوسری عالمی طاقتوں سے دوری نہیں ہے بلکہ اسکے لیے بین الاقوامی تعلقات کےلئے ایک متوازن نقطہ نظر کی ضرورت ہے۔ ایس سی اوکے ذریعے تزویراتی خود مختاری اور علاقائی استحکام کا حصول ایک چیلنج لیکن قابل حصول ہدف ہے۔ اسکے لیے رکن ممالک سے ضروری ہے کہ وہ باہمی اعتماد، احترام اور تعاون کو انفرادی فوائد پر ترجیح دیں۔ تنظیم کو اپنی فعال شرکت اور اسٹریٹجک شراکت کے ذریعے مضبوط بنانے میں اہم کردار ادا کر رہا ہے۔ اپنی پالیسیوں کو شنگھائی تعاون تنظیم کے باہمی اعتماد،خودمختاری کے احترام اور مشترکہ اقتصادی ترقی کے اصولوں سے ہم آہنگ کرتے ہوئے، پاکستان علاقائی استحکام اور تعاون کو فروغ دینے میں ایک اہم کھلاڑی کے طور پر ابھرا ہے۔ تنظیم میں پاکستان کی شمولیت انسداد دہشت گردی کی کوششوں، سیکورٹی تعاون کو بڑھانے اور رکن ممالک کے درمیان اقتصادی انضمام کو فروغ دینے کے عزم سے ظاہر ہوتی ہے۔پاکستان کے اسٹریٹجک محل وقوع اور چین پاکستان اقتصادی راہداری جیسے منصوبوں کے ذریعے بنیادی ڈھانچے اور رابطے کو بہتر بنانے کی اس کی کوششوں نے علاقائی ترقی اور انضمام کے مقاصد کو مزید تقویت دی ہے۔مزید برآں، شنگھائی تعاون تنظیم کے فریم ورک کے اندر پاکستان کی سفارتی مصروفیات نے تعاون اور باہمی افہام و تفہیم کے جذبے کو فروغ دیتے ہوئے رکن ممالک کے درمیان خلیج کو ختم کرنے میں مدد کی ہے۔ تنازعات کے پرامن حل اور سماجی و اقتصادی ترقی کے لیے اقدامات کی حمایت کرتے ہوئے، پاکستان ایک مستحکم اور خوشحال خطے کے ایس سی اوکے وژن میں حصہ ڈالتا ہے۔ ایسا کرنے سے پاکستان نہ صرف شنگھائی تعاون تنظیم کو مضبوط کرتا ہے بلکہ خطے میں اپنی جیو پولیٹیکل اور اقتصادی حیثیت کو بھی بڑھاتا ہے۔ باہمی فائدے اور سٹریٹجک خود مختاری پر مبنی کثیر قطبی عالمی نظام کا شنگھائی تعاون تنظیم کا وژن موجودہ طاقت کی حرکیات کے نظام کا ایک امید افزا متبادل پیش کرتا ہے۔ شنگھائی روح کو اپناتے ہوئے، رکن ممالک ایک ایسے مستقبل کے لیے جہاں تمام اقوام کے حقوق اور مفادات کا احترام اور تحفظ کیا جائے، ایک زیادہ مساوی اور مستحکم عالمی سیاسی منظر نامے کی تشکیل کے لیے مل کر کام کر سکتے ہیں۔
بجلی کے بنیادی ٹیرف میں پھر اضافہ
نیشنل پاور ریگولیٹری اتھارٹی(نیپرا)نے بجلی کے بنیادی ٹیرف میں پانچ روپے 72 پیسے فی یونٹ اضافے کی منظوری دیتے ہوئے فیصلہ حکومت کو بھجوایا تھا اور اب وفاقی کابینہ نے بجلی کے بنیادی ٹیرف میں اضافے کی منظوری دے دی ہے۔ٹیکس زدہ عوام کو ایک اور جھٹکا دیتے ہوئے، حکومت نے بدھ کے روز جولائی سے بجلی کی فی یونٹ قیمت میں اضافے کی جو منظوری دی ہے یہ سیدھا سیدھا بجلی گرانے کے مترادف ہے، جو کم آمدنی والے گروپوں کے لیے فیصد کے لحاظ سے سب سے زیادہ اضافہ ہے۔ ایک ہی بار میں، 32.5 ملین صارفین، خاص طور پر گھریلو، اس مالی سال میں کم از کم 580 ارب روپے کی اضافی رقم ادا کرنے پر مجبور ہوں گے۔ یہ شرح بجلی کی موجودہ قیمت سے زیادہ ہے، جسے صارفین ادا کریں گے، اس کی بنیادی وجہ گزشتہ تین دہائیوں کی بدانتظامی اور توانائی کی غلط پالیسیاں ہیں۔بجلی کے ان 32.5 ملین صارفین میں سے 26ملین گھرانے غریب سے کم درمیانی آمدنی والے گروپوں کے زمرے میں آتے ہیں، وہ طبقات جنہوں نے فیصد کے لحاظ سے قیمتوں میں سب سے زیادہ اضافہ دیکھا ہے۔پہلی بار حکومت نے رہائشی بجلی صارفین کو 200روپے سے 1000روپے فی یونٹ ماہانہ چارجز کےساتھ ٹیکہ الگ سے لگایا ہے۔آئی ایم ایف نے پاکستان کو اگلے بیل آو¿ٹ پیکج کےلئے عملے کی سطح کے معاہدے کےلئے کوالیفائی کرنے کےلئے مقرر کیا تھا، بجلی کے نرخوں میں اضافہ ان اہم پیشگی اقدامات میں سے ایک تھا۔ ماضی کے برعکس جب سمری پہلے کابینہ کی اقتصادی رابطہ کمیٹی (ای سی سی) کے پاس جاتی تھی، اس بار وزارت توانائی نے خاموشی سے سمری کو وفاقی کابینہ میں منتقل کیا اور سرکولیشن کے ذریعے اس کی منظوری مانگی۔سرکولیشن ایک ایسا طریقہ ہے جو کابینہ کے باقاعدہ اجلاس کے دوران کھلی بحث سے مختلف ہے۔ وفاقی کابینہ میں اس معاملے پر بحث کیے بغیر تقریبا 32.6 ملین صارفین کو نقصان پہنچا ہے۔پاور ڈویژن نے اس سے قبل 14 جون کو بھی اسی طرح کی سمری پیش کی تھی لیکن آئی ایم ایف کے نئے صنعتی پیکیج پر اعتراضات کے باعث اسے سمری واپس لینا پڑی۔ آئی ایم ایف نے وزیراعظم کے 200 ارب روپے کے پیکیج کو بھی قبول نہیں کیا جس کے تحت صنعتی بجلی کی قیمت 34 روپے 99 پیسے فی یونٹ مقرر کی گئی تھی۔ اب انڈسٹری کے لیے بجلی کی نئی قیمتیں 37روپے 83پیسے فی یونٹ ہیں ۔ نیپرا نے مالی سال 2024-25 کےلئے بجلی کا اوسط بنیادی ٹیرف موجودہ 29 روپے 78پیسے سے بڑھا کر 35 روپے 50پیسے فی یونٹ منظور کیا تھا۔30جون کو ختم ہونے والے گذشتہ مالی سال میں وفاقی حکومت نے بجلی کا بنیادی ٹیرف7روپے 50پیسے اور مالی سال 2022-23میں بجلی کا بنیادی ٹیرف 7روپے 91پیسے فی یونٹ تک بڑھایا تھا۔وفاقی حکومت نے گذشتہ مالی سال کےلئے بجلی کے بنیادی ٹیرف میں یکمشت اضافہ کیا تھا جبکہ مالی سال 2022-23 میں بجلی کے بنیادی ٹیرف میں اضافہ 3 مراحل میں کیا گیا تھا۔