وزیر اعلیٰ علی امین گنڈاپور کیخلاف مقدمہ درج

علی امین گنڈا پور اور ایم این اے شاہد خٹک کے خلاف تھانہ کرک میں مقدمہ درج کر لیا گیا۔علی امین گنڈا پور اور شاہد خٹک کے خلاف متھانہ ہریارہ میں درج ایف آئی آر میں سرکاری املاک کو نقصان پہنچانے کا الزام عائد کیا گیا ہے۔ایف آئی آر میں پولیس کو دھمکیاں دینے، دھمکیاں دینے اور دہشت گردی کی دفعات شامل کی گئی ہیں۔اس کے علاوہ وزیراعلی خیبرپختونخوا علی امین گنڈا پور کے خلاف لاہور کے تھانہ مناواں میں مقدمہ درج کر لیا گیا ہے۔ایف آئی آر میں انسداد دہشت گردی ایکٹ، اقدام قتل سمیت 13 دفعات لگائی گئی ہیں۔ایف آئی آر کے مطابق علی امین گنڈا پور سیالکوٹ انٹر چینج پر اسلحے سے مسلح گروہ کی قیادت کر رہے تھے۔