چیمپئنز ٹرافی: بھارت نے بنگلادیش کو 6 وکٹوں سے ہرادیا

چیمپئنز ٹرافی 2025 کے گروپ اے کے میچ میں بھارت نے بنگلادیش کو 6 وکٹوں سے ہرادیا۔ بنگلادیش کے توحید ہریدوئی کے بعد بھارت کے شمبن گل نے بھی سنچری بناڈالی۔ بنگلادیش کی جانب سے دیا گیا 229 رنز کا ہدف بھارت نے 48ویں اوور میں 4 وکٹوں کے نقصان پر حاصل کرلیا۔دبئی کرکٹ اسٹیڈیم میں بنگلادیش نے ٹاس جیت کر پہلے بیٹنگ کرنے کا فیصلہ کیا جسے بھارتی بولرز نے ابتدا میں ہی غلط ثابت کردیا۔بھارتی بولرز نے 9ویں اوور میں ہی بنگلادیش کی آدھی ٹیم کو صرف 35 رنز پر پویلین بھیج دیا۔ان ابتدائی پانچ کھلاڑیوں میں تنزید حسن نے 25 رنز بنائے، مہدی حسن میراز 5 جبکہ سومیا سرکار، کپتان نجم الحسن شانتو اور تجربہ کار مشفق الرحیم بغیر کوئی رن بنائے پویلین لوٹے۔تاہم چھٹی وکٹ پر بنگلادیشی بیٹرز توحید ہردوئے اور جاکر علی 154 رنز کی پارٹنرشپ بنائی اور اپنی ٹیم کو ایک قابل دفاع ٹوٹل تک پہنچانے میں کلیدی کردار ادا کیا۔ جاکر 68 رنز کی اننگز کھیل کر آٹ ہوئے تو توحید نے ٹیل اینڈرز کے ساتھ رنز بنانے کا سلسلہ جاری رکھا۔ اس دوران توحید ہردوئے پٹھوں میں کھنچا کا شکار ہوئے، اس کے باوجود انہوں نے 49ویں اوور میں اپنی سنچری مکمل کی۔تاہم آخری اوور میں وہ بنگلایش کے آٹ ہونے والے آخری کھلاڑی تھے جس کے ساتھ ہی بنگلادیشی ٹیم 228 رنز پر آل آٹ ہوگئی۔ بھارت کی جانب سے محمد شامی نے 5 وکٹیں لیں، ہرشت رانا نے 3 جبکہ اکشر پٹیل نے دو کھلاڑیوں کو آٹ کیا۔اس سے قبل دبئی میں ٹاس کے بعد گفتگو کرتے ہوئے بھارتی ٹیم کے کپتان روہت شرما نے کہا تھا کہ ہر ٹیم ٹورنامنٹ جیتنے کی کوشش کرتی ہے، ہم بھی یہی چاہتے ہیں۔