پاکستان میں سوشل میڈیا کو ریگولیٹ کرنے کیلئے قوانین نہیں تھے ، طلال چوہدری

طلال چوہدری نے کہا ہے کہ پاکستان میں سوشل میڈیا کو ریگولیٹ کرنے کے لیے قوانین نہیں تھے۔ گفتگو کرتے ہوئے طلال چوہدری نے کہا کہ سوشل میڈیا پر لوگوں کو بلیک میل بھی کیا جاتا ہے، ریگولیٹ کے قوانین ہونے چاہئیں۔طلال چوہدری نے کہا کہ حکومت کا فرض بنتا ہے وہ تمام ٹیکنیکل چیزیں اداروں کو مہیا کرے، سوشل میڈیا سے متعلق قوانین ہیں جو پوری دنیا میں استعمال ہوتے ہیں۔انہوں نے کہا کہ قوانین پر پاکستان میں کیوں عمل نہیں ہوتا، قوانین نہیں ہوں گے تو کنٹرول کیسے ہوگا۔ن لیگی رہنما کا مزید کہنا تھا کہ ملک میں ٹیکس جی ڈی پی کی شرح خطرناک حد تک کم ہے، دنیا بھر میں ٹیکس دے کر ہی ملک چلتے ہیں۔