مریم نواز کا پنجاب کارڈیالوجی کا دورہ ، مریضوں کی عیادت مسائل سنے

وزیراعلی پنجاب مریم نواز شریف نے پنجاب انسٹی ٹیوٹ آف کارڈیالوجی کا دورہ کیا اور مریضوں کی عیادت کی۔دورہ پنجاب کے کارڈیالوجی کے موقع پر وزیر اعلی مریم نواز نے ایمرجنسی وارڈ کا دورہ کیا، اس موقع پر پی آئی سی کے ایگزیکٹو ڈائریکٹر نے وزیر اعلی پنجاب کو ری ویمپنگ پلان اور دیگر امور پر تفصیلی بریفنگ دی۔وزیراعلی پنجاب نے پی آئی سی ایمر جینسی بلاک میں فراہم کی جانے والی سہولیات کا جائزہ لیا، ایمرجنسی بلاک میں زیر علاج مریضوں کی عیادت کی اور ان کی خیریت دریافت کی۔مریضوں اور ان کی دیکھ بھال کرنے والوں سے علاج کی صورتحال کے بارے میں دریافت کیا، استقبالیہ کانٹر پر حالت کے بارے میں بھی دریافت کیا۔انہوں نے ٹرائیج ایریا میں مریضوں کی آمد اور علاج شروع کرنے کے نظام کا بھی مشاہدہ کیا۔ مریم نواز شریف نے ائیر ایمبولینس کے پیشنٹ وارڈ کا معائنہ کیا، ائیر ایمبولینس کے ذریعے بہاولپور سے منتقل ہونے والے مریض امجد علی کی عیادت کی، دل کے مریض امجد علی نے ائیر ایمبولینس سروس کے آغاز پر وزیر اعلی کو مبارکباد دی اور ڈھیروں دعائیں دیں۔امجد علی سے گفتگو کرتے ہوئے مریم نواز نے کہا کہ ایئر ایمبولینس سروس عوام کا حق ہے، کسی پر احسان نہیں۔وزیراعلی مریم نواز شریف نے سیکیورٹی اہلکاروں کو مریضوں کی نقل و حرکت میں مداخلت سے سختی سے روکا اور عوام کو پریشانی کا باعث بننے والے کرپٹ عناصر کے خلاف حتمی کارروائی کا حکم بھی دیا۔