عدالت نے غیر قانونی اسلحہ اور شراب کیس میں وزیراعلی خیبرپختونخوا علی امین گنڈا پور کے ناقابل ضمانت وارنٹ گرفتاری پر عملدرآمد کا حکم دے دیا۔اسلام آباد کی ڈسٹرکٹ اینڈ سیشن کورٹس کے سینئر سول جج مبشر حسن چشتی نے علی امین گنڈا پور کے خلاف ناجائز اسلحہ اور شراب برآمدگی کیس کی سماعت کی۔پولیس کی جانب سے ناقابل ضمانت وارنٹ گرفتاری پر عمل درآمد نہ ہوسکا اور تعمیل رپورٹ عدالت میں پیش نہیں کی گئی۔اسلام آباد کی ڈسٹرکٹ اینڈ سیشن عدالتوں نے ایس ایس پی آپریشن کو علی امین گنڈا پور کے وارنٹ گرفتاری پر عملدرآمد کا حکم دے دیا۔بعد ازاں عدالت نے وزیراعلی خیبرپختونخوا علی امین گنڈا پور کے وارنٹ گرفتاری برقرار رکھتے ہوئے ان کے ضامن کو طلب کرتے ہوئے کیس کی سماعت 26 اکتوبر تک ملتوی کردی۔
تبصرے (0)
اپنا تبصرہ لکھیں