راولپنڈی وومن یونیورسٹی میں جعفر ایکسپریس متاثرین سے اظہار یکجہتی کیلئے امن واک

راولپنڈی :راولپنڈی وومن یونیورسٹی میں امن واک کا انعقاد ،وومن یونیورسٹی راولپنڈی مین میں سانحہ جعفر ایکسپریس کے متاثرین سے اظہار یکجہتی کے لیے امن واک کا انعقاد کیا گیا،واک میں مختلف شعبہ جات سے تعلق رکھنے والے اساتذہ اور طلبہ کی بڑی تعداد نے شرکت کی ۔شرکا کے شرکا نے سانحہ جعفر ایکسپریس اور دہشتگردی کے مذمت کرتے ہوئے کہا کہ ملک کو امن اور محبت کا گہوارا بنانے کے لیے سب کو کردار ادا کرنا ہو گا۔سانحہ جعفر ایکسپریس ، دہشتگردی کے دوسرے واقعات اور بڑھتی ہوئی شدت پسندی کے خلاف وومن یونیورسٹی راولپنڈی کے مختلف شعبہ جات سے تعلق رکھنے والے افراد نے شرکت کی۔
واک کا مقصد سانحہ جعفر ایکسپریس اور دہشتگردی کے دوسرے واقعات میں شہید ہونے والوں کے لواحقین کے ساتھ اظہار ہمدردی کرنا اور دہشتگردی اور شدت پسندی کی مذمت کرنا تھا۔ اس موقع پر طلبہ نے بینرز اور پلے کارڈ اٹھا رکھے تھے جن پر جن پر 11 مارچ یوم سیاہ اور ہم متحد ہیں جیسے نعرے درج تھے ۔اساتدہ کا کہنا تھا کہ ملک میں امن کیلئے شدت پسند ی کا خاتمہ ضروری ہے ۔طلبہ نے شہدا کے لواحقین کے ساتھ اظہار ہمدردی کرتے ہوئے اس عزم کا اعادہ کیا کہ وہ ملک سے دہشگردی کے خاتمے کے لیے اپنی کاوش جاری رکھیں گے ۔سانحہ جعفر ایکسپریس کے متاثرین سے اظہار یکجہتی کے لیے واک میں شامل طلبہ نے قومی یکجہتی اور ہم آہنگی پر بھی زور دیا۔