عمران خان کیلئے اسکاٹ لینڈ یارڈ کی تفتیش بھی قبول ہے، کیا وہ تعاون کریں گے ؟

وفاقی وزیر اطلاعات مریم اورنگزیب کا پریس کانفرنس کرتے ہوئے کہنا تھا کہ حکومت کو اسکاٹ لینڈ یارڈ کی تفتیش بھی قبول ہے کیا عمران خان تحقیقات میں تعاون کریں گے۔
تفصیلات کے مطابق وفاقی وزیر اطلاعات مریم اورنگز یب نےاسلام آباد میں پریس کانفرنس کرتے ہوئے کہا کہ آپ ہر وقت لوگوں کو بے وقوف نہیں بناسکتے، عمران خان تم شہباز شریف، رانا ثنا اللہ اور سینئر افسر کا نام لیتے ہو مگر کوئی تحقیق اور ثبوت نہیں پیش کر سکتے ۔
وزیراطلاعات کا کہنا تھا کہ شوکت خانم اسپتال میں پولیس اور تحقیقاتی اداروں کو جانے نہیں دیا جا رہا، عمران خان قانون کے بجائے اپنی مرضی کی ایف آئی آر کروانا چاہتے ہیں۔