پاکستان

عمران خان ملک میں انتشار پھیلانے کیلئے ہر لائن عبور کر رہا ہے ، آصف علی زرداری

کسی صورت اداروں پر حملہ برداشت نہیں کریں گے آصف علی زرداری

پیپلزپارٹی پارلیمنٹرینز کے صدر آصف علی زرداری نے ملکی ایجنسیز کے خلاف زہر افشانی کی شدید مذمت کی ہے، کہا کہ ایک شخص ملک میں انتشار پھیلانے کے لیے ہر لائن عبور کر رہا ہے، اس کو اقتدار کے سوا کچھ نظر نہیں آرہا۔
تفصیلات کے مطابق سابق صدر آصف علی زرداری نےایک بیان میں ملکی ایجنسیسز کے خلاف زہر افشانی اور ہرزہ سرائی پر شدید مذمت کرتے ہوئے کہا کہ ایک شخص ملک میں انتشار پھیلانے کے لیے ہر لائن عبور کر رہا ہے، اس شخص کو نہ تو ملک کی سالمیت کی فکر ہے نہ ملک کے اداروں کی۔ اس شخص کو صرف اقتدار اقتدار اور اقتدار کے علاوہ کچھ نظر نہیں آتا۔
آصف زرداری نے کہا کہ اداروں کی بقا سے ہی ملک کی بقا ہے اور ہم کسی صورت بھی ان پر حملہ برداشت نہیں کریں گے۔ انیس سو سینتالیس سے لے کر اب تک ہم نے اوراداروں نے ملکر دشمن کا مقابلہ کیا ہے اور اب بھی کریں گے۔
آصف زرداری نے کہا کہ دشمن نے اس دفعہ اندر کے لوگوں سے ہی حملہ کروایا ہے۔ ہم اپنی پاک فوج کی قربانیوں اور شہادتوں کو کبھی نہیں بھلا سکتے اور دشمن کی اس سازش کو بھی ناکام بنائیں گے۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے