ڈاکٹر ذاکر نائیک پاکستان پہنچ گئے

معروف اسلامی سکالر اور مبلغ ڈاکٹر ذاکر نائیک اسلام آباد پہنچ گئے۔پرائم منسٹر یوتھ پروگرام کے چیئرمین رانا مشہود اور ایڈیشنل سیکرٹری وزارت مذہبی امور عطا الرحمان نے ان کا استقبال کیا۔ڈاکٹر ذاکر نائیک اسلام آباد، کراچی اور لاہور میں عوامی اجتماعات سے خطاب کریں گے۔پاکستان میں قیام کے دوران وہ اعلی سرکاری حکام سے ملاقاتیں بھی کریں گے۔واضح رہے کہ ڈاکٹر ذاکر نائیک نے ایکس پر پوسٹ شیئر کرتے ہوئے کہا تھا کہ وہ حکومت پاکستان کی دعوت پر اپنے بیٹے شیخ فاروق نائیک کے ہمراہ پاکستان کا دورہ کریں گے۔سوشل میڈیا پر شیئر کیے گئے شیڈول کے مطابق ڈاکٹر ذاکر نائیک 5 اور 6 اکتوبر کو کراچی، 12 اور 13 اکتوبر کو لاہور اور 19 اور 20 اکتوبر کو اسلام آباد میں خطاب کریں گے۔