ملائیشین وزیراعظم کا دہشتگردی سے جنگ میں پاکستانی فوج کی قربانیوں کا اعتراف

ملائیشیا کے وزیراعظم نے آرمی چیف جنرل سید عاصم منیر سے ملاقات کی ہے۔انٹر سروسز پبلک ریلیشنز (آئی ایس پی آر)کے مطابق ملاقات میں دوطرفہ سٹریٹجک مفادات، علاقائی سلامتی اور دفاعی تعاون پر تبادلہ خیال کیا گیا۔اس موقع پر ملائیشیا کے وزیراعظم نے علاقائی امن و استحکام میں پاک فوج کے کردار کو سراہا اور دہشت گردی کے خلاف جنگ میں پاک فوج کی پیشہ وارانہ مہارت کی تعریف کی۔