ملک میں سونے کی فی تولہ قیمت میں 900 روپے کی کمی

ملک بھر کی صرافہ مارکیٹوں میں سونے کی فی تولہ قیمت میں آج بھی کمی واقع ہوئی ہے۔آل پاکستان جیمز اینڈ جیولرز ایسوسی ایشن کے مطابق ملک میں سونے کی فی تولہ قیمت 900 روپے کی کمی کے بعد 3 لاکھ 55 ہزار 100 روپے ہو گئی۔اسی طرح 10 گرام سونے کا بھاؤ 706 روپے کم ہو کر 3 لاکھ 4 ہزار 441 روپے ہو گیا۔ایسوسی ایشن کے مطابق عالمی بازار میں سونے کا بھاؤ 9 ڈالرز کم ہوکر 3 ہزار 326 ڈالرز فی اونس ہو گیا۔