منشیات اسمگلنگ کیخلاف کریک ڈائون ،10 ملزمان گرفتار

اینٹی نارکوٹکس فورس نے مختلف شہروں میں منشیات اسمگلنگ کے خلاف کریک ڈان کر کے 10 ملزمان کو گرفتار کر لیا۔ترجمان اے این ایف کے مطابق 9 کارروائیوں میں 22 لاکھ روپے مالیت کی 11.148 کلو منشیات برآمد کی گئی ہے۔گجرات میں 2 ملزمان سے 1200 گرام چرس جبکہ کے کے ایچ روڈ پشاور کے قریب ملزم سے 550 گرام چرس برآمد ہوئی۔ترجمان اے این ایف کے مطابق اسلام آباد میں ملزم کے قبضے سے 200 گرام چرس جبکہ سواں پل راولپنڈی کے قریب 2 ملزمان سے 225 نشہ آور گولیاں برآمد کی گئیں۔گرفتار ملزمان نے تعلیمی اداروں کے طلبا کو منشیات فروخت کرنے کا اعتراف کیا ہے۔پشاور ایئر پورٹ پر جدہ کے مسافر کے ٹرالی بیگ سے 618 گرام ہیروئن، جبکہ دوحہ کے مسافر کے پیٹ سے 59 آئس بھرے کیپسولز برآمد ہوئے۔سیالکوٹ کوریئر آفس سے نیوزی لینڈ کے لیے بک پارسل سے 570 گرام آئس اور لاہور کوریئر آفس سے برطانیہ کے لیے بک پارسل سے 376 گرام ہیروئن برآمد کی گئی۔ترجمان اے این ایف کے مطابق شیر شاہ ٹول پلازہ ملتان کے قریب 2 ملزمان سے 7.200 کلو چرس برآمد کر لی گئی۔