کوشش کررہے ہیں نچلے طبقے پر ٹیکس کا بوجھ نہ ڈالا جائے ، وزیر خزانہ محمد اورنگزیب

وفاقی وزیرِ خزانہ محمد اورنگزیب نے کہا ہے کہ کوشش کر رہے ہیں نچلے طبقے پر ٹیکس کا بوجھ نہ ڈالا جائے۔اسلام آباد میں پریس کانفرنس کرتے ہوئے محمد اورنگزیب نیکہا کہ ملکی معیشت کی بہتری کے لیے اقدامات کر رہے ہیں، مقامی سطح پر ٹیکس کے حوالے سے بات چیت چل رہی ہے، میں سیلری کلاس میں سے ہی آیا ہوں۔محمد اورنگزیب نے کہا کہ یکم جولائی سے انڈسٹری کو 68 ارب کے ریفنڈز دیے جاچکے ہیں، ایف بی آر میں اصلاحات سے متعلق وزیراعظم ہر ہفتے اجلاس کر رہے ہیں۔انہوں نے کہا کہ زراعت کو ٹیکس رجیم میں لانے کیلئے اقدامات کیے جائیں گے، وزرائے اعلی زرعی ٹیکس کے حوالے سے قانون سازی کریں گے، تاجر دوست اسکیم متعارف کروائی ہے، ٹیکس واجبات کی ادائیگی سے معیشت مضبوط ہوگی۔وفاقی وزیرِ خزانہ نے کہا کہ ڈیٹا ہی سب سے بڑا ثبوت ہوگا، تاجروں اور سرمایہ کاروں کیلئے سہولیات کی فراہمی اولین ترجیح ہے۔