لیگی رہنماء عطاء تارڑ پر دہشت گردی کا مقدمہ درج

پنجاب کے ضلع حافظ آباد میں وزیراعظم کے معاون خصوصی اور لیگی رہنما عطا تارڑ، سابق وفاقی وزیر سائرہ افضل تارڑ اور رائے قمر سمیت دیگر افراد کیخلاف دہشت گردی کا مقدمہ بنایا گیا ہے۔
حافظ آباد تھانے میں درج ہونے والے مقدمے میں لکھا گیا ہے کہ رائے قمر نے لیگی قیادت کے حکم پر عمران خان کو واجب القتل قرار دیا اور مذہبی منافرت پھیلائی ہے۔
مقدمے میں واضح کیا گیا ہے کہ مبینہ طور پر لیگی رہنماؤں نے رائے قمر کو ہدایت دی تھی کہ وہ خان صاحب کو واجب القتل قرار دے جبکہ عطا تارڑ اور سائرہ تارڑ دھمکی پر تالیاں بجاتے رہے اور شاباش بھی دی۔
دوسری جانب وزیراعلیٰ پنجاب نے کہا ہے کہ عمران خان کو دھمکیاں دینے والے لیگی رہنماؤں کے خلاف قانون کے مطابق سخت کارروائی عمل میں لائی جائے گی، ایسے کسی بھی شخص کو کوئی رعایت نہیں دی جاسکتی جو مذہب کے نام پر تخریب کاری کرنا چاہتا ہے۔
مقدمہ اندراج کے بعد مسلم لیگ ن کی رہنما سائرہ افضل تاڑ نے وضاحت کی کہ انہوں نے رائے قمر کے بیان پر معذرت اور شدید مذمت بھی کی تھی۔
واضح رہے کہ عمران خان کو واجب القتل گرار دیتے ہوئے انہیں جان سے مارنے کی دھمکی دینے والے ن لیگ کے سابق ضلعی وائس چیئرمین رائے قمر کو گرفتار کر لیا گیا ہے۔