کراچی میں آج سے گرمی بڑھے گی

محکمۂ موسمیات کی جانب سے کراچی میں آج سے درجۂ حرارت میں اضافے کا امکان ظاہر کیا گیا ہے۔محکمۂ موسمیات کے مطابق شہرِ قائد میں مطلع صاف اور تیز دھوپ رہنے کا امکان ہے۔اس دوران کراچی کا زیادہ سے زیادہ درجۂ حرارت 32 سے 34 ڈگری سینٹی گریڈ تک پہنچ سکتا ہے۔گزشتہ 24 گھنٹوں کے دوران کم سے کم درجۂ حرارت 21.5 ڈگری سینٹی گریڈ ریکارڈ ہوا ہے۔شہر میں شمال مغرب کی سمت سے ہلکی رفتار سے ہوائیں چل رہی ہیں، جن میں نمی کا تناسب 65 فیصد ہے۔