مولاناکو ہماری اور ہمیں ان کی جماعت سے تحفظات ہیں، جنید اکبر

پاکستان تحریک انصاف کے رہنما اور قومی اسمبلی کی پبلک اکاونٹس کمیٹی کے چیئرمین جنید اکبر نے کہا ہے کہ جمعیت علمائے اسلام (ف)کے سربراہ مولانا فضل الرحمن کو ہماری جماعت اور ہماری جماعت کو ان کی جماعت سے کچھ تحفظات ہیں جنہیں ہم دور کرنا چاہتے ہیں۔اسلام آباد میں میڈیا سے گفتگو کرتے ہوئے انہوں نے کہا کہ مولانا فضل الرحمان کو ہماری جماعت اور ہماری جماعت کو بھی ان کی جماعت سے کچھ تحفظات ہیں، ہم مولانا صاحب کے تمام تحفظات دور کرنا چاہتے ہیں، ہم بانی پی ٹی آئی عمران خان تک دونوں جماعتوں کا مقف پہنچائیں گے۔ان کا کہنا تھا کہ ہم چاہتے ہیں مولانا صاحب اپوزیشن اتحاد میں شامل ہوں، ہم مزاحمت کی سیاست نہیں کرنا چاہتے لیکن ہمیں ایسا کرنے پر مجبور کیا گیا ہے، ہم سیاسی لوگ ہیں سیاسی ڈائیلاگ پر یقین رکھتے ہیں، جب ہمیں سیاسی سرگرمی نہیں کرنے دینگے تو پھر ہم سے کیا امید رکھیں گے۔جنید اکبر نے کہا کہ ہم امریکا سے بلکل امید نہیں لگا کے بیٹھے تھے، ہمیں بائیڈن انتظامیہ کے کردار پر تحفظات تھے۔بعد ازاں اڈیالہ جیل کے باہر میڈیا سے گفتگو کرتے ہوئے ان کا کہنا تھا کہ ساتویں مرتبہ ہم آئے اور عدالتی حکم پر آئے اس سے عدالتیں اور جمہوریت بے توقیر ہوتی ہے، ہم عوام اور پارلیمان کی نمائندگی کرتے ہیں، حکومت کو لانے والوں نے یہ پیغام دے دیا ہے کہ کہ وہ پارلیمان اور عدالت کو نہیں مانتے۔ ان کا کہنا تھا کہ بھٹو ایک جنریشن کا لیڈر تھا، آپ کو اس کو ختم نہیں کر سکے، عمران خان تین جنرکشنز کا لیڈر ہے اس کو کیسے ختم کریں گے۔