وفاقی وزیر اطلاعات اور وزیراعلیٰ پنجاب نے سابق سی پی این ای سیکریٹری جنرل عامر محمود کے انتقال پر اظہار افسوس کیا

وفاقی وزیر اطلاعات عطاء اللہ تارڑ نے سابق سیکریٹری جنرل سی پی این ای عامر محمود کے انتقال پر گہرے دکھ کا اظہار کیا ہے۔ وزیر اطلاعات نے سوگوار خاندان سے دلی تعزیت اور ہمدردی کا اظہار کرتے ہوئے کہا کہ عامر محمود صحافت اور اشاعتی دنیا کے ایک معتبر نام تھے۔

عطاء اللہ تارڑ نے کہا کہ مرحوم نے اپنی پیشہ ورانہ خدمات سے شعبہ صحافت اور ادب کو نئی جہتیں فراہم کیں اور ان کی خدمات کو ہمیشہ یاد رکھا جائے گا۔ وزیر اطلاعات نے دعا کی کہ اللہ تعالیٰ مرحوم کو جوار رحمت میں اعلیٰ مقام عطا فرمائے اور لواحقین کو صبر جمیل دے، آمین۔

اسی طرح، وزیراعلیٰ پنجاب مریم نواز شریف نے بھی سابق سیکریٹری جنرل عامر محمود کے انتقال پر سوگوار خاندان سے اظہار ہمدردی اور تعزیت کیا۔