اسلام آباد – چیف جسٹس آف پاکستان کی زیر صدارت جوڈیشل کمیشن آف پاکستان کا اہم اجلاس ہوا جس میں عدالتی تقرریوں اور عدالتی انتظامیہ سے متعلق اہم فیصلے کیے گئے۔
کمیشن نے ججز تقرری رولز 2024 میں ترامیم کی منظوری دی اور آئینی بنچوں کے لیے ججوں کی نامزدگی اور انتخاب کے معیار کی بھی توثیق کی۔
کمیشن کے مطابق آئینی بنچوں کے لیے ججوں کے انتخاب کے طریقہ کار کو مزید واضح کیا گیا ہے تاکہ شفافیت اور مستقل مزاجی کو یقینی بنایا جا سکے۔
اجلاس نے مجوزہ جوڈیشل پرفارمنس ایویلیوایشن رولز 2026 پر فیصلہ موخر کر دیا جس کا مقصد ہائی کورٹ کے ججوں کی کارکردگی کا جائزہ لینا تھا۔ قواعد کو حتمی شکل دینے سے پہلے تمام چیف جسٹسز اور ہائی کورٹس کے سینئر ججوں سے سات دنوں کے اندر رائے طلب کرنے کا فیصلہ کیا گیا۔
کمیشن نے بلوچستان بار کونسل کی جانب سے نئے قوانین بنانے کی تجویز کو بھی مسترد کر دیا، جس میں کہا گیا کہ بار کونسل کے نامزد ممبر کی دو سالہ مدت آئینی طور پر طے ہے۔
اجلاس میں ایجنڈا آئٹمز ایک، تین اور چار کی منظوری دی گئی اور ہائی کورٹ کے ججز کی تقرری کے لیے سات رکنی کمیٹی بنانے کا فیصلہ کیا گیا۔
کمیٹی امیدواروں کے انٹرویوز کرے گی جبکہ اس کے سربراہ کا تقرر چیف جسٹس آف پاکستان کریں گے۔
اجلاس میں عدالتی نظام سے متعلق مختلف انتظامی اور قانونی امور کا بھی جائزہ لیا گیا اور کئی اہم فیصلے کئے گئے۔
تبصرے (0)
اپنا تبصرہ لکھیں